Labarai

Da yaren Hausa Misirawa suka yi amfani a zamanin mulkin Fir’auna – Bincike

An sake igantawa ranar 2/05/2020.

Masana tarihi sun bayyana yaren Hausa a matsayin yaren da Misiriwan zamanin Fir’auna suka yi amfani da shi.

Bayan wani rahoto da sashin Hausa na rediyon DW ya fitar akan batun inda rediyon ta tattauna da wani masanin tarihi dan kasar Nijar wanda ya tabbatar da ikirarin kasancewar yaren Hausa a matsayin yaren da mutanen zamanin Fir’auna suke yi.

Masanin tarihi, Sule Garba, ya kara da cewa mutanen zamanin Fir’auna sun fara rayuwarsu ne a kauyen ‘Dan Baki’ dake garin Damagaram a kasar Nijar.

Hakan na zuwa ne bayan da aka gano wani ginin tubalin ‘Pyramid’ irin na kasar Misra, ginin da turawa masana tarihi suka tabbatar da Misirawan da suka yi kaura zuwa kasar Misira ne suka ginashi.

Haka zalika ya tabbatar da cewa yaren da Misirawan zamanin Fira’auna suke yi mai suna Hieroglyphs, Hausa ce ba wani abu ba. Domin babu wani yare da ake rubuta “RAna” da ma’anar “Rana” da take fitowa a sama idan ba yaren Hausa ba.

DABO FM ta gudanar da binciken cewa an fara tabbatar da alakar Hausawa da Misirawan zamamin Fir’auna tin shekaru 200-300 da suka gabata.

A shekarar 1938, fitaccen marubuci Werner Vicychl, ya tabbatar da alaka a cikin wani littafi da ya wallafa.

Hukumar kyautata ilimi, kimiyya da al’adu ta majalisar dinkin duniya ‘UNESCO’ ta tabbatar da alakar yaren Hausa da yaren Misirawan zamanin Fir’auna a wani littafi mai suna ‘The peopling of ancient Egypt and the deciphering of Meroitic script‘.

Binciken DABO FM ya kara lulubo wasu kalmomi da suke kara tabbatar da Hausa a matsayin Misirawan zamanin Fir’auna;

An gano daga cikin fassara da akayi a yaren Misirawan lokacin, Misirawa suna kiran Fir’auna da suna a kalmar ‘Saraki’ wanda har ila yau ana amfani da ita a kasar Hausa wajen kiran Sarki.

A cikin kalmomin yaren Fir’aunawa akwai ‘Tuta’ – wacce take da ma’ana daya da ta yaren Hausa da kalmar ‘Qasa’ da nufin Ƙasa da sauren dubban kalmomi.

Karin Labarai

Masu Alaka

Kano: Mutane 176 ne suka rasa ransu sakamakon hadarin jirgin sama a rana irin ta yau

Muhammad Isma’il Makama

Ko kun san mutanen Misira na zamanin Fir’auna sun iya Hausa?

Dabo Online

Ko kunsan yaren Hausa ne asalin yaren Misirawa a zamanin Fir’auna

Dangalan Muhammad Aliyu

Akwai yiwuwar Fir’auna da mutanenshi sun iya Hausa – Bincike

Dabo Online
UA-131299779-2