Jihar Kano ta samu sabon kwamishinan ‘yan sanda bayan ritayar Singham

Rundunar yan sandan jihar Kano ta samu sabon kwamishinan ta bayan da CP Muhammad Wakili yayi ritaya daga aikin dan sanda bayan cikarshi shekaru 60 a duniya.

Babban siftan ‘yan sandan Najeriya, Muhammad Adamau ya bada umarnin nada Ahmed Iliyasu a matsayin sabon kwamishinan ‘yan sandan jihar ta Kano.

Mai magana da yawun rundunar, DCP Frank Mba ne ya bayyana haka a wata sanarwa daya fitar a babbar hedikwatar rundunar dake tarayyar Abuja.