Dan wasan gaba na kungiyar Juventus, Cristiano Ronaldo yayi duk mai yiwuwa wajen fito da kungiyarshi daga zagayen na 16 bayan daya taimaka wajen doke kungiyar Atletico Madrid.
Dan wasan ya jefa kwallaye uku reras a yayin wasan da aka buga a birnin Turin dake kasar ta Italiya.
Cristiano ya sake kafa wani tarihi akan kungiyar ta atletico, domin kuwa shine dan wasa na karshe daya jefawa Juventus kwallo uku a raga. Ya jefa a shekarar 2012, 2014, 2017 da kuma 2018.
Yanzu dai kungiyar ta Juventus zata tafi mataki na gaba a gasar cin kofin zakarun nahiyar turai.
Dan wasan yayi wannan bajintane a daidai lokacin da tsohuwar kungiyarshi ta Real Madrid tasha kayi a gasar ta nahiyar turai, lamarin da yayi sanadiyyar ficewarta daga gasar bayan da kungiyar Ajax ta doke ta da ci 4-1 a filin Santiago Bernabeu dake birnin kasar Spaniya.
