Labarai

Kwanaki 257 da bacewar Abubakar Idris Dadiyata

Matashi Abubakar Idris Dadiyata ya cika kwanaki 257 tin bayan da wasu da ba’a san ko suwaye ba suka dauke matashin har gida.

Zuwa yanzu, dangin matashin sun kai karar Gwamnatin jihar Kaduna, hukumar DSS reshen jihar Kaduna zuwa gaban kotu domin jin bahasi biyo bayan zarge-zarge da akeyi musu na alhakin daukeshi.

Tin a ranar 1 ga watan Agustar 2019, wasu mutane da ba’a san ko suwaye ba, sukaje har gidan matashi dake jihar Kaduna suka daukeshi, lamarin da yayi sanadiyyar har zuwa yanzu babu labarinshi.

Hukumar DSS da aka zarga tin farkon dauke matashi, ta bayyana cewa bata tsare da matashin, hasalima bata tura jami’anta unguwar su Abu Dadiyata aiki a wannan dare ba.

Dadiyata, malami ne a jami’ar Katsina, ya kasance dan gwagwarmaya da fafutukar ganin gwamnatin APC a Najeriya da jihar Kano su yiwa mutanen da suke jagoranta adalci.

Abubakar Idris, wanda akafi sani da Abu Hanifa Dadiyata, dan Jami’iyyar PDP, mai bin tsari da darikar Kwankwasiyya, tsagin da akeyin ‘Kare-Jini, Biri-Jini’ irin na siyasa tsakaninsu da bangaren gwamnatin jihar Kano na Gandujiyya.

Manyan mutane a Najeriya sunyi Allah-Wadai da kamun matashin, hukumomin kare hakkin dan Adam na duniya sun biye musu sahu wajen kiran wadanda suke tsare da shi su sake shi.

Jagora a jami’iyyar APC, Alhaji Buba Galadima, ya zargi wani gwamnan Arewa wanda bai fadi sunanshi ba a matsayin wanda yake da hannu wajen tsare maatashin.

Karin Labarai

Masu Alaka

Kwanaki 226 da bacewar Abubakar Idris Dadiyata

Dabo Online

Zuwa ga masu neman a baiwa Mata limancin Sallah da nufin ‘Kare hakkin Mata’ daga Bin Ladan Mailittafi

Dabo Online

Borno ta doke Kano a zabe na 2 a gasar Kwalliyar Al’adu bayan ayyana zaben farko ‘Inconclusive’

Dangalan Muhammad Aliyu

Kwankwaso ya roki jami’an tsaro na farin kaya su nemo inda Dadiyata yake

Muhammad Isma’il Makama

Mulkin APC: Zaben2019 ‘Inconclusive’, Jamb 2019 ‘Inconclusive’, Daga Dangalan Muhammad Aliyu

Dabo Online

Ko kunsan hazikin matashin da ya zana fitaccen hoton Sarkin Kano murabus?

Dangalan Muhammad Aliyu
UA-131299779-2