An nada Sarakunan Kano da kyakkyawar niyya ne, ba abinda zai rushe su – Ganduje

Gwamnan jihar Kano, Umar Abdullahi Ganduje ya bada tabbacin cewa karin masarautu 4 da jihar tayi yana nan daram kuma babu abinda zai tarwatsa shi, kuma yayi sune a bisa niyya mai kyau.

Ya bayyana haka ne a Lahadi, inda yake bayani na cewa a yanzu Sarkin Kano,Muhammad Sunusi II, ba shine Sarki mafi daraja a Kano ba.

Ya bayyana jin dadinshi bisa nadin sababbin masarautu 4, ya kuma kalubalanci masu cewa yaci mutuncin masarautar jihar Kano.

“A matsayi na na ‘dan Dagaci, ta yaya zanyi abinda zai bata zuriyar mu daddiya mai dumbin tarihi?

“Idan kuka bi salsala ta, akwai a kalla Dagatai 10 har zuwa mahaifina. To shiyasa nakerasa gane kan mutanen da suke cewa gwamnati ta tana kokari ruguza gidan da yake mai tarihi.

DaboFM ta tattaro bayanai na cewa Gwamna Ganduje yayi wannan jawabi ne a yayin ziyarar ta’aziyya da ya kai fadar Sarkin Rano bisa rasuwar uwargidar, mai shari’a Wada Rano, Hajiya Wada Rano, bayan ya kammala zuwa gidan dangi mai rasuwar.

Ganduje ya kara bayyana cewa anyi karin masarautun ne badan komai ba sai dan kaiwa wuraren cigaba na zamani.


Ya tabbatar da cewa; “Zamu zo da sabbin hanyoyin wajen cigaban jiharmu. Irin wanna hanyar da zata kusantar damu(Mutane) zuwa ga masarautun mu. Shiyasa mukaga dacewar kara samun wadannan masarautun.”

Daga karshe, gwamnan ya baiwa Sarkin umarnin hukunta Hakimin Bebeji da yayi bore na kinyin mubaya’a ga sarkin.

“Idan har ta tabbata ya ajiye, Sarki sai ya turo nada wakilinshi kafin a nada wani.”

%d bloggers like this: