Kotun daukaka kara ta baiwa ‘Abba Gida-Gida’ damar kara shedu a cigaba da shari’arshi da Ganduje

Kotun daukaka kara dake da zama a jihar Kaduna ta umarci kotun sauraren korafe korafen zaben gwamnan jihar Kano da ta bawa PDP damar yin sauyi tare da karin shedu da zata gabatar a gaban kotun.

Hakan na zuwa ne bayan da kotun sauraren korafe korafen zaben Kano tayi watsi da bukatar PDP na karin sunayen shaidu 8 akan zaben gwamnan Kano da take kalubalanta.

Jami’iyyar tace wadannan shedun guda 8 sune daga cikin manyan shaidun da take som gabatarwa.

Hakan yasa jami’iyyar PDP da dan takararta, Abba Kabir Yusuf suka daukaka kara a ranar 16 ga watan Yulin 2019.

Da suke jawabi ta hannun lauyoyinsu, hukumar INEC da APC sun bayyana cewa zasu daukaka kara zuwa kotun koli.