Ko faduwar Atiku zata zama tashin Kwankwaso?

Kullin al’amuran siyasar Najeriya suna kara chakudewa duba da yacce bukatar zama shugaban kasa take kara yawa a zukatan jagororin Najeriya musamman na Arewa.

Ko a shekarar 2019 da ake ganin babu wanda zai kai labari wajen karawa da shugaba Muhammadu Buhari, adadin wadanda suka nuna aniyarsu ta neman kejarar shugabancin kasar suna da yawa.

Sai dai masana harkokin siyasa suna yi musu kallo irin na taron tsintsiya ba shara.

Alhaji Atiku Abubakar da Engr Kwankwaso, sune wadanda akayiwa kallon iya kokarta karawa da shugaba Muhammadu Buhari, duk da cewa anfi dora tasirantuwar Atiku Abubakar akan Engr Kwankwaso bisa dalilin goyon bayan mutanen kudancin Najeriya da Kwankwaso ya rasa.

Masu Alaƙa  #Xenophobia: Abin kunya ne shugaba Buhari ya ziyarci kasar Afirika ta Kudu - Usman Kabara

Masana sun kara bayyana cewa; Atiku ya samu goyon bayan mutanen kudancin Najeriya bisa matsayin daya taka, Atiku ya zamewa mutanen Kudu dole bawai don soyayya ba, sai dan rashin kaunarsu da shugaba Muhammadu Buhari tare da suna ganinshi a mutumin da bashi da tsananin kishin yankin Arewa.

Zuwa yanzu, za’a iya cewa dambarwar ta kare tsakanin shugaba Buhari da Alhaji Atiku Abubakar bayan da shugaba Buhari ya lashe zabe a akwati da kuma kotun zabe kuma shugaba Buhari bazai sake takara ba.

Duba da yanayi da kwadayin mulki na Atiku Abubakar, kashi 90 bisa 100 ya nuna zai kara fitowa takara a zaben 2023, domin yana ganin bayan shugaba Buhari babu wanda zai iya takara da shi (Atiku) ya kai labari.

Masu Alaƙa  Alakar dan Majalissar tarayya na Fagge da Al’ummar da yake wakilta, Daga Umar Aliyu Fagge

Ko mutanen Arewa zasu so Kwankwaso kamar Buhari?

Goyon bayan mutanen Arewa ne kawai zai saka Kwankwaso zamewa shugaban Najeriya bisa dalilin cewa;

Bangaren Yarabawa, bazasu taba ajiye Bola Ahmad Tinubu, wanda yake a matsayin jagoran siyasar yankin, domin su goyawa Kwankwaso baya ya zama shugaban kasa ba. Kuma ko ya dauki mataimaki a yankin, sai dai suyi masa “‘yar burum-burum.”

Bangaren Inyamurai, basa son Kwankwaso dalilin tambarin Kishin Arewa da suka buga a kirginshi, wanda haka yasa suke ganin bai chanchanci su goya masa baya ya gina yankinshi na Arewa kadai ba.

Sai dai daukar mataimaki a yankin zai kawo rarrabuwar kai a tsakaninsu, ta inda zai iya samun kaso dayawa a yankunan Inyamuran wanda idan ya hada da na Arewa baki daya, zasu bashi damar zama shugaban Najeriya.

Masu Alaƙa  Ba Kwankwaso ne basa so ba, cigaban Talaka ne yake musu ciwo - Dangalan Muhammad Aliyu

Idan hakan ta faru, zamu iya cewa kalmar “Daga Daura sai Madobi” da take ta yawo a gari zata tabbata.

DABO FM ba tada hurumi ko hakkin mallakar wannan rubutun, dukkanin abinda rubutun ya kunsa, ‘Ra’ayin marubucin ne.’

Sako na musamman

Shin kuna da wata sanarwa ko bukatar bamu labari?

Ku aiko mana da sako ta submit@dabofm.com

%d bloggers like this: