A cewar Daily Trust, sunayen mutane 37 da ake zargin masu hakar ma’adinai ba bisa ka’ida ba ne, waɗanda suka mutu a hannun Hukumar Tsaron Fararen Hula ta Najeriya (NSCDC) a Jihar Neja, sun fito.
Mutanen sun kasance cikin waɗanda jami’an NSCDC suka kama a lokacin samamen da suka gudanar a ranakun 15 da 16 ga watan Satumba, a yankin Estate na Laftanar Janar Mohammed Inuwa Wushishi da ke Minna, babban birnin jihar Neja.
A cewar hukumar a lokacin, an gano cewa wasu daga cikin mutanen da ake tsare da su sun mutu a safiyar ranar 17 ga Satumba, bayan wani abin da hukumar ta bayyana a matsayin zargin barkewar wata cuta. Hukumar ta ce za a gudanar da binciken lafiya domin gano ainihin abin da ya haddasa mutuwar.
Lamarin ya sa gwamnatin tarayya ta dakatar da jami’an da abin ya shafa tare da kafa wani kwamiti mai zaman kansa domin binciken yadda lamarin ya faru, ciki har da yadda aka kama da kuma tsare mutanen da kuma musabbabin mutuwarsu.
Awaisu Giwa, jakadan zaman lafiya na kasa da kasa na International Human Rights Commission (IHRC), ya ce an samo jerin sunayen farko daga bayanan asibitin General Hospital da ke Minna.
Ya ce an ƙara wasu sunaye huɗu bayan wasu ‘yan uwa sun tuntubi hukumar domin sanar da ita cewa ba a saka sunayen ‘yan uwansu a cikin bayanan farko ba. Ya kuma bayyana cewa za a yi amfani da jerin sunayen wajen taimaka wa iyalan waɗanda suka mutu wajen samun diyya.
Sunayen mutanen 37
- Ibrahim Sani
- Fahad Sa’adu
- Abdulsalam Ismail
- Usman Aliyu
- Abubakar Alhaji
- Sani Nasir
- Sanusi Khalid
- Ahmad Aliyu
- Safiyanu Abdullahi
- Suleiman Dantala
- Idris Haruna
- Sani Yakubu
- Safiyanu Abubakar
- Abdullahi Abubakar
- Abubakar Musa
- Abdul Mudassir
- Suleiman Lawal
- Usman Abdullahi
- Samuel Sambo
- Ibrahim Musa
- Yusuf Nasiru
- Umar Lawal
- Isyaku Amisu
- Bissallah Adamu
- Abdulbari Suleiman
- Shafisu Lado
- Usman Ahmad
- Usman Ibrahim
- Sani Isyaku
- Musa Ibrahim
- Idris Bashir
- Kabiru Suleiman
- Emmanuel Emeka
- Mu’awiya AbdulKarim
- Abdul Gafar Abubakar
- Usman Haruna
- Yaro Salihu Soba
A cewar bayanan da suka kasance tare da jerin sunayen, Mu’awiya AbdulKarim, Abdul Gafar Abubakar, Usman Haruna da Yaro Salihu Soba ba sa cikin jerin farko na General Hospital, Minna, kuma an ƙara sunayensu ne bayan ‘yan uwansu sun tuntubi hukumar.
