//
Wednesday, April 1

CoronaVirus: Gidauniyar Hadeeyatul Khair tayi kira da a dau azumi domin neman daukin Allah SWT

Google+ Pinterest LinkedIn Tumblr +

Gidauniyar Hadeeyatul Khair ta na kira ga al’umma dasu tashi da azumi a gobe Alhamis domin neman daukin Allah akan cutar Corona Virus da ta addabi al’ummar duniya.

Shugaban gidauniyar, Dr Mufidah Fari ce ta bayyana a wata sanarwar da ta aikewa DABO FM a ranar Laraba.

“Muna kira ga al’umma da mu tashi da azumi ranar 5 ga watan Maris domin neman taimakon Allah bisa yaduwar cutar Corona Virus.”

Gidauniyar Hadeeyatul Khair, gidauniyar da wasu mata a jihar Kano suka kafa, ta taimakawa mutane musamman mata ta hanyar basu tallafi da jari na sana’o’i.

A watan Fabarairun 2020, gidauniyar ta kaddamar da shirin fara koyar da sana’o’in zamani ga marasa karfi a yunkurin da take na fitar da al’umma daga cikin kangin talauci, kamar yadda shugabar ta bayyana.

Gidauniyar Hadeeyatul Khair da wasu mata a jihar Kano suka kafa ta kai tallafin kayan abinci da tufafi zuwa gidan marayu da gidan yari a jihar Kano.

A ranar 7 ga watan Julin 2019 ne dai gidauniyar ta kai ziyararta ta farko zuwa gidan Marayu dake Nassarawa a jihar Kano, inda suka rarraba kayan abinci, kayan sakawa dama daffafen abinci domin ciyar da mazauna gidan.Kayayyakin sun hadar da Sabulan wanki, Sabulan wanka, Madara, Biskit, Chizi, Lemuka da Gurasa.

Karin Labarai

Share.

Comments are closed.

%d bloggers like this:
DABO FM 2020