Mahaifin Ali Jita ya rasu

Mahaifin fitaccen mawaƙin Hausa na zamani, Ali Isa Jita ya rasu a jiya Juma’a.

Mawakin ne ya sanar da hakan a wani saƙo da ya wallafa a shafukansa na sada zumunta a yau Asabar.

Ya ce; “Ina baƙin cikin sanar da mutuwar mahaifina, Alhaji Isa Jibril Kibiya.”

DABO FM ta tattara cewa za a yi jana’izar marigayin yau Asabar da misalin ƙarfe 9 na safe a gidansa da ke unguwar Shagari Quaters da ke cikin birnin jihar Kano.