/

APC ta kori Hon Gudaji Kazaure

Karatun minti 1
Hon Gudaji Kazaure
Hon Muhammad Gudaji Kazaure - Dan Majalissar wakilai a Najeriya (Roni-Gwiwa-KAzaure-'YanKwashi).

Jami’iyyar APC ta karamar hukumar Kazaure ta kori Hon Gudaji Muhammad Kazaure daga jami’iyyar.

Hakan na dauke a cikin wata sanarwar da jami’iyyar ta fitar mai dauke da sa hannun dukkanin shuwagabannin jami’iyyar karamar hukumar a ranar 25 ga watan Maris din 2020.

Dan majalisar ya kasance wakilin kananan hukumomin Roni, Gwiwa, ‘Yan Kwashi da Kazaure a majalissar wakilai ta Najeriya.

Sanarwar tace; “Mu shuwagabannin jami’iyyar APC na mazabar Yamma, karamar hukumar Kazaure jihar Jigawa, mun amince da korar Muhammad Gudaji Kazaure daga jami’iyyarmu ta APC daga yau 25 ga Maris 2020.”

Jami’iyyar tace ta kori dan majalissar ne bisa rashin bin dokokin da umarnin jami’iyyar da dan majalissan yake yi.

Shugaban jami’iyya, mataimakinshi, Sakataren jami’iyyar da sauran masu mukami guda 16 na jami’iyyar APC a matakin mazabar Yamma ta karamar hukumar ne suka amince da korar dan majalissan.

Karin Labarai

Latest from Blog