Ra'ayoyi Siyasa: Rigar 'Yanci

Ba Kwankwaso ne basa so ba, cigaban Talaka ne yake musu ciwo – Dangalan Muhammad Aliyu

Dangalan Muhammad Aliyu: A kullin muna gode wa Allah Mahalicci da yake kara bamu ikon yin tunani mai zurfi don fahimtar rayuwa.

Sanin kowa ne, matasa sune kashin bayan cigaban kowacce al’umma, tabbacin hakan yana nan idan aka bincika tarihin Sayyadina Ali, Zaidu Bn Haris da Mus’ab Bin Umair, Allah Ya kara yadda a garesu.

A dai dai lokacin da aka mayar da matasan Arewa bayi, wajen daukarsu a matsayin ‘yan bangar siyasa da zama a sahun gaba wajen aikata ta’addanci a tsakanin al’umma. Sai gashi Allah ya kawo mana dauki mai alkhairi na mutum mai kishin jama’arshi, mai kalamin “Kowa mai daraja ne”, “Kowa zai iya zama tauraro”, “Matasa”, “Ilimi” da “Lafiyar Iyayenmu Mata”

A zamanin mulkinsa ne talaka ya sauko daga kan wani layi da aka dora mutane na cewa “Masu abu da abunsu”, wato duk wani cigaba yana wajen ‘ya yan masu mulki, kudi ko sarauta.

Allah ne kadai yasan ‘ya yan talakawa ‘yan jihar Kano da suka zama mutane masu daraja a idon duniya ta hanyar morar tallafin Ilimi kyauta, sana’o’in zamani tare da daukar nauyin dalibai sama da 2000 ya tura kasashen waje inda ‘yayan masu hannu da shuni suke tura nasu.

Tin daga nan ne wasu daga cikin manya masu mulki da kudi suka fara rigima da Kwankwaso, akan cewa meye zai mayar da ‘ya ‘yan talakawa abin da yasa a gaba?

Hakazalika yanzu ma da gidauniyar da ya kafa take neman tallafin kudade don daukar nauyin matasa 370 zuwa kasashen waje don yi Ilimi, suke tada jijiyar wuya suna fadin wai tsohon Sanata ya zama ‘dan 419.

Su ma sauran ‘yan uwanmu matasa masu bin tafiyar wadancen shafaffu da mai su na kyamatar abin bawai don basu so ba, sai dan dama sun kashe musu zuciya.

Ya kai matashi, lokacin da ake tattara takardun matasa daga cikin 370 din da za a fitar yanzu, suka zuga ka don kar ka kai takardunka saboda basa so ka dena musu bauta. Yanzu ma ance a tallafa sun ce karka bayar wai damfara ce, sun manta da kudaden da ku ka tara wa shugaba Buhari lokacin yakin neman zaben 2015. Su na yin haka domin kar su rasa masu yi masu bauta.

Wallahi da kanka za ka ciji yatsa, kana zaune kana zagin Kwankwaso wadannan dalibai 370 zasu je su dawo kai kuma kana bakin titi ka na zagin Kwankwaso da ‘yan Kwankwasiyya.

Da zarar ka girma kuma su koreka, idan ka matsa suyi maka tallan aikin gadi ko ka kare a matsayin dan aiken Hajiyar gida matar Wanarabul.

Ya dai kamata ayi tunani.

Karin Labarai

Masu Alaka

Ko Sarkin Kano da Ganduje sun shirya ya kamata a kammala bincike – Barr Abba Hikima

Dabo Online

Kwanaki 257 da bacewar Abubakar Idris Dadiyata

Dabo Online

Mulkin APC: Zaben2019 ‘Inconclusive’, Jamb 2019 ‘Inconclusive’, Daga Dangalan Muhammad Aliyu

Dabo Online

Ko faduwar Atiku zata zama tashin Kwankwaso?

Dangalan Muhammad Aliyu

Shigar Malamai Siyasa ba matsala bane, daukar bangare ne matsala, Daga Umar Aliyu

Dabo Online

Shugabanci ne matsalar Najeriya da Arewa, Daga Umar Aliyu Fagge

Dabo Online
UA-131299779-2