Labarai

Bayan biliyan 1 na gyaran makabartu, Matawalle zai gina sabon gidan gwamnati na biliyan 7

Kwanaki kadan bayan ma’aikatar addinai ta mika kasafin kudinta na Naira Biliyan1 domin gyaran Masallatai da makabartu, gwamnatin ta fara shirin ginin sabon gidan gwamnatin jihar akan kudin Naira biliyan 7.

Sakataren gwamnatin jihar, Bala Bello ne ya bayyana haka yayin da yake kare kasafin kudin da ofishinshi yayi a cikin kasafin kudin jihar na shekarar 2020.

DABO FM ta tattaro Bala, ya bayyana haka ne a ranar Alhamis, 2 ga Janairun 2020 a gaban zauren Majalissar dokokin jihar dake garin Gusau.

Ya bayyana cewa gwamnatin jihar ta zata gina sabon gidan gwamnatin ne kasancewar akwai bukatar a samar dashi.

”Gidan gwamnatin da ake amfani dashi yanzu, tsohuwar Sakatariyar karamar hukumar Gusau ce tin lokacin da ake hade da jihar Sokoto.”

“Muna bukatar sabon gidan gwamnati domin mu shiga sahun jihohin da suke da na zamani.”

“Haka zalika munyi la’akarin da karancin ofisoshin gwamnati wajen ginin sabon gidan gwamnatin.”

Bello ya bayyana cewa idan aka kammala sabon gidan gwamnatin, za’a mayar da tsohon gidan ya zama babbar Sakatariyar jihar.”

Karin Labarai

Masu Alaka

Bana cikin taron hadin kan APC na ‘Babba-da-Jaka’ da Yari ya kira -Sanata Marafa

Muhammad Isma’il Makama

Matawalle ya bi gidajen talakawa marasa karfi da tallafin ₦500,000 kowannen su

Muhammad Isma’il Makama

A kalla ‘Yan Gudun Hijira 25,000 suka koma Gidajensu na ainahi a jihar Zamfara

Dabo Online

Abdulaziz Yari ya mikawa Matawalle takardun mulkin jihar Zamfara

Dabo Online

Gwamnatin jihar Zamfara ta ware biliyan 1 don ginin Masallatai, Magabartu da ciyarwar Ramadan

Dangalan Muhammad Aliyu

Ta’addanci: Duk randa Abdulaziz Yari ya sake zuwa Zamfara, da kai na zan kama shi – Matawalle

Dabo Online
UA-131299779-2