Duniya: Kunsan mutanen wana gari ne sukafi ‘Yan Najeriya yawa har na tsawon shekaru 8?

Najeriya kasa ce dake da tarin al’umma wadanda mafi yawansu matasa ne ‘yan kasa da shekaru 35.

Najeriya dai tana daga cikin jerin kasashe masu yawa a duniya.

Sai dai anan, mun zakulo wani garin da mutan dake rayuwa a cikinshi sunfi duk ‘Yan Najeriya yawa?

Nasan an cika da mamaki ko?

Wannan gari ba a ko ina yake ba illa kasar Indiya, kasar dake a matsayi na biyu a jerin kasashe masu yawa a duniya.

Tin a shekarar 2011, jihar Uttar Pradesh ta kere Najeriya a yawan mutane.

Adadin ‘yan jihar Uttar Pradesh(2011): 199,812,341

Adadin ‘Yan Najeriya(2019): 199,789,000*

Ga alkaluman adadin haihuwar da akeyi a Indiya da Najeriya.

A Indiya:

Ana haihuwar jarirai 2,062 a duk awa guda, inda ake samun 49,481 a kowacce rana, a kowanne wata, adadin yana kaiwa kusa miliyan daya da dubu dari biyar.

A Najeriya:

Ana samun haiwuwa miliyan 7 a kowacce shekara.

Bambancin:

Indiya tana samun jarirai miliyan 18 a kowacce shekara, ita kuma Najeriya na samun miliyan 7 ne kacal.

Tsiran da yakai miliyan 11 kowacce shekara.

Jihar Uttar Pradesh itace jiha mafi yawan al’umma a Indiya dama fadin Duniya baki daya.

In da jihar Uttar Pradesh kasa ce mai zaman kanta, itace zata zama kasa ta biyar a duniya a yawan al’umma.

Jihar na arewacin kasar Indiya, tana dauke da abubuwan tarihi dayawa.

Ginin Taj Mahal da yayi shura a duniya, yana gine ne a jihar ta Uttar Pradesh.

Ginin Taj Mahal

Muhammad Aliyu Dangalan

•Sublime of Fagge's origin. •Apprentice Journalist. •Doctor of Pharmacy student.