Labarai

Hawaye sun zubo daga Idon Sarki Sunusi yayin nuna alhinin mutuwar Jariri akan N1500

A wani faifan bidiyo, mallakar gidan Talabijin na Channels TV, an hangi mai martaba Sarkin Kano, Muhammadu Sunusi II, yana zubar da hawaye.

Hakan na zuwa ne bayan da yake bayarda labarin wata Mata da Jaririnta ya mutu akan kudi kasa da dalar Amurka 5, kwatankwacin kasa da Naira 1,560.

Sarki Sunusi a yayin da yake jawabi a gaban Kwamitin Cimma Muradun Karni da Majalissar Dinkin Duniya ta kafa, ya bayyana yacce tsananin Talauci yake addabawar mutanen Najeriya.

Sarkin ya kara da yin nunin cewa; Bambancin dake tsakanin Talakawa da masu Kudi a Najeriya, tazara ce mai nisan gaske.

“A lokacin da matar take jiran layi yazo kanta domin neman taimako, Jaririn nata ya mutu a hannunta.”

Sarkin ya bayyana cewa; Matar tazo neman taimakon kudi da bai kai dalar Amurka 5 ba domin samun kula da lafiyar Jaririn.

“Wannan shine abinda kullin yake faruwa a Najeriya.”

“Yara suna mutuwa saboda Iyayensu basu mallaki koda dala 5 ba, ace Uwa ta kalli mutuwar ‘danta akan kudi kasa da dala biyar.”

Karin Labarai

Masu Alaka

Sarki Sunusi ya tsige limami a Kano bayan ya bijirewa umarnin Sarkin Musulmi akan ganin wata

Dabo Online

Hukumar yaki da Cin hanci ta jihar Kano ta bukaci a dakatar da Sarki Sunusi

Dabo Online

Sashin Jami’ar ABU Zaria ya baiwa Anas Umar mai hoton Sarkin Kano Sunusi II lambar yabo

Dabo Online

Buhari bai shiga maganar sasanta Ganduje da Sarkin Kano ba – NTA

Dabo Online

Sarkin Kano, Muhammad Sunusi II ya dawo Najeriya bayan shafe kwanaki a Birtaniya

Dabo Online

Sarkin Kano Sunusi II ya zama shugaban jami’ar gwamnatin jihar Ekiti

Dabo Online
UA-131299779-2