Kwankwaso yayi wa daliban Najeriya a kasar Indiya sha-tara-ta-arziki, a ziyarar da ya kai musu yau Talata

Yau Talata, 02/04/19, Sanata Rabi’u Musa Kwankwaso ya kai ziyara jihar Rajasthan dake arewacin kasar Indiya.

Kwankwaso ya kai wa daliban da suke karatu a jami’ar Mewar dake  garin Chittogarh, inda ya gana da daliban tare da yi musu fatan alkhairi.

Da yake jawabi, Kwankwaso yayi kira ga daliban dasu dage wajen yin karatun nasu, kuma su maida hankalinsu wajen kare mutunci addininsu dama al’adarsu.

Daga karshe yayi wa daliban kyauta kudi dalar Amurka 3,500 kwatankwacin Naira Miliyan Daya da dubu dari uku, domin su dan saukakawa kansu wasu yan wahalhalun da suke ciki.


Mun zanta da wasu daliban da suke chan makarantar ta Maiwar, inda suka bayyana mana farincikinsu bisa ziyarar Kwankwason, tare da yi masa addu’ar fatan alheri.

 

Masu Alaƙa  Kwankwaso yayi Allah wadai da cigaba da tsare Dadiyata da matsalolin sace-sacen Mutane
Bidiyon Kwankwaso a jami’ar Mewar
Latsa alamar Play domin Kallon bidiyon

Sako na musamman

Shin kuna da wata sanarwa ko bukatar bamu labari?

Ku aiko mana da sako ta submit@dabofm.com

%d bloggers like this: