Labarai

Sarakunan Kano guda 5 basu gaisa da juna ba a taron da ya tilasta haduwarsu gaba daya

Sarakunan dake karkashin Majalissar Sarakunan ta Kano, sun hadu a wajen taron yaye daliban makarantar koyar da aikin dan sanda da take garin Wudil a jihar Kano.

Taron dai ya samu halartar shugaban kasa Muhammadu Buhari, gwamna Ganduje, baban sifeton ‘yan sanda na kasa da sauran manyan mutanen dake ko ina a fadin tarayyar Najeriya.

Sai dai abin lura, wanda jaridar Daily Nigerian ta bincika, rashin gaisawa tsakanin sabbin Sarakunan jihar guda 4 tare da Sarkin Kano, Muhammadu Sunusi II.

Daily Nigerian, wacce wakilinta ya samu halartar taron ta bayyana yacce aka nuna babu sani ba sabo a tsakanin sarakunan da Sarkin na Kano.

”Duk da cewa Sarkin Kano, Sunusi, shine yazo daga karshe, bai gaishe da sauran Sarakunan ba, haka zalika suma basu gaishe dashi ba.”

DABO FM ta tattaro cewa an ware wajen zaman Sarakunan su 5 duk a waje daya. Sai dai bayan zuwan Sarkin na Kano, aka chanza gurin da zai zauna zuwa wajen da aka warewa Sarkin Kuje na tarayyar Abuja.

Da yake bayyana dalilin rashin gaisawar, daga cikin masu yi wa Sarkin Bichi, Alhaji Aminu Ado Bayero, ya bayyana cewa “Lokacin da ya iso, shi ma bai gashe dasu ba.”

Suma a nasu bangaren, daga cikin masu yi wa Sarkin Kano Sunusi hiduma, ya bayyana cewar; “Bamu damu dan basu zo sun gaishe da Sarkinmu ba.”

“Tinda dai Sarkinmu ya nemi waje ya zauna a kujerashi, bamu damu da girmamawarsu ba.”

Masu Alaka

Ganduje na daf da dakatar da Sarki Sunusi da yiwuwar maye gurbin masarautar Kano da Aminu Ado Bayero

Dabo Online

Babbar Kotu a Kano ta ‘rugurguje’ karin Sarakuna 4 da Ganduje ya kirkira

Dabo Online

Hotuna: Bayan makwanin rashin jituwa, Sarki Sunusi ya ja Ganduje Sallar Idi

Dabo Online

An shawo kan rashin jituwar Ganduje da Sarki Kano Sunusi

Dabo Online

Masarautar Kano ta kira taron Addu’ar cika shekaru 5 da rasuwar Marigayi Ado Bayero

Dabo Online

Mahaifin Kwankwaso ya goyi bayan nadin Sarkin Karaye da Ganduje yayi

Dabo Online
UA-131299779-2