Labarai

Zamu tabbata fitar da ‘Yan Najeriya miliyan 50 daga kunchin Talauci – Dr Pantami

Ministan Sadarwar Najeriya, Dakta Isa Ali Pantami, ya bayyana cewa zasu yi aiki tukuru wajen cika burin shugaban Najeriya, Muhhammadu Buhari domin ccire yan Najeriya miliyan 50 daga kangin Talaucin da yayi musu katutu.

Ministan ya bayyana haka a ranar da ya fara ziyarar aiki zuwa ma’aikatar Sadarwar, awanni kada bayan rantsar da shi a matsayin sabon Jami’in da zai shugabanci ma’aikatar.

A lokacin ziyarar, Dakta Pantami yayi kira ga ma’aikatan ma’aaikatar da suyi aiki tukuru su kuma daga wajen cika umarnin shugaban kasa wajen cire al’ummar Najeriya a kalla miliyan 50 daga talauci.

“ Matsalolin da Najeriya ke fama dasu ba a boye suke ba. Babu bukatar sai na lissafa su a nan. Haka zalika mun san irin muhimmiyar rawar da hanyar sadarwa ta ICT za ta iya takawa wurin magance matsalolin.”

“ A don haka ina rokon ko wannenku da yayi shirin aiki sosai da sosai. Ko shakka babu na aminta da abinda sakatare na ya fadi game da umarnin Shugaban kasa cewa mu tabbata mu cire mutum miliyan 50 daga talauci nan da ‘yan shekaru kadan masu zuwa.

“ Wannan abu ne wanda zamu iya yi, kuma ina da yakinin cewa hakarmu za ta cinma ruwa dangane da wannan magana. Akwai kalubale mai tarin yawa dangane da ICT haka kuma akwai hanyoyi na fitar da sabbin ababe. Don haka zamu yi iya bakin kokarinmu mu ga cewa mun cikawa Shugaban kasa bukatarsa.” – Dakta Pantami. –Fassara Sashin Hausa na Legit.ng.

Sai dai a shafin Twitter na Ministan, ya bayyana cewa an sabawa ma’anar maganar tashi tare da cewa “Shawara ce ya bayar” ba aikin tabbaci ba.

Karin Labarai

Masu Alaka

Sheikh Pantami yayi kira da acigaba da goyawa Buhari baya don cigaban Najeriya

Dabo Online

Bayan maganganu da tuhumar mantawa da talaka, a karshe, Dr Pantami ya fashe da Kuka

Dabo Online

Pantami ya fitar da sabbin tsarukan rijistar layin waya don inganta tsaro

Dabo Online

Sheikh Dr Isah Ali Pantami – Sabon Ministan Sadarwa a Najeriya

Dabo Online

Pantami ya dakatar da wani matashi daga yi masa ‘nasiha’ a Twitter

Dabo Online

Pantami ya bada umarnin rufe layuka miliyan 9 da ake siyarwa ‘Masu Rijista’

Dabo Online
UA-131299779-2