Wasanni

Ahmad Musa ya lashe kofin ‘Super Cup’ na kasar Saudiyya

Kyaftin din kwallon kafar Najeriya, Ahmad Musa tare da kungiyarshi da Al Nassr ta kasar Saudiyya, sun samu nasarar lashe kofin ‘Super Cup’ bayan doke kungiyar Taawon a bugun daga kai sai mai tsaron gida.

Wasan da aka buga a filin wasa na Sarki Abdullah ranar 5 ga Janairun 2020 ya kai da bugun daga kai sai mai tsaron gida inda kungiyar Al Nassr ta doke takwararta da ci 5 da 4.

Duk da canjin dan wasa Ahmad Musa mintuna 5 kafin bugun fenaritin, Ahmad daya ne daga cikin jigon da suka kai ga kawo kungiyar wasan na karshe a gasar.

Wannan ne kofi na 2 da dan wasan ya samu lashewa tare da kungiyar Al Nassr tin bayan komawarshi kungiyar bayan kammala kofin duniya da akayi a kasar Barazil a shekarar 2018.

Kungiyar Taawon ce ta fara jefa kwallo a ragar Al Nassr a mintuna na 18 da fara wasan ta hannun dan wasanta Leandre Tawamba Kana, dan kasar Kamaru, inda Abderrazak Hamdallah na kungiyar Al Nassr ya farke wa kungiyar mintuna 2 kafin tafiya hutun rabin lokaci.

Al Nassr ta cinye dukka bugun da tayi guda 5 inda Taawon ta zubar da bugu 1.

Karin Labarai

Masu Alaka

Tallafawa al’umma kai tsaye yafi a baiwa gwamnati – Ahmad Musa

Dabo Online
UA-131299779-2