Copyrighted.com Registered & Protected

Audio: Babu wani chanji da Najeriya ta samu -Amaechi

Faifan muryar da masu fafutukar yakin neman zaben Atiku Abubakar suka fitar yayi nuni da maganganun ministan harkar sufurin Najeriya Rt Hon Rotimi Amaechi yana sukar gwamnatin da shugaba Muhammadu Buhari ke jagoranta.

Anjiyo maganganu kamar haka: Na rantse kasar nan bazata taba samun chanji ba indai ba kowa za’a kashe ba, babu wani sauyi da aka samu, ba’a masan ina kasar ta dosa ba. Da gaske nake, ko za’a raba kasarnan kashi goma, babu abinda zai chanza.

A faifan muryar na biyu kuma yayi magana kamar haka:

“Duk rubutun daya gani, dariya yake yace “zo, zo ka gani zagina sukeyi.” Shugaban kasar baya jin maganar kowa duk abinda aka rubuta baya damunshi.”


Latsa alamar “Play” don jin cikakkiyar maganar

Shin muryar ta ministan ce?

Itace tambayar da ta shiga zukatan al’ummar Najeriya, ganin cewa ministan babban jigo ne a tafiyar shugaban kasar hasalima a yanzu shine jagora kuma shugaban yakin neman zaben shugaban a fafutukar da gwamnatin takeyi don cigaba da gudanar da mulkin kasar a zaben da za’a gudanar a watan Fabarairun shekarar 2019.

An tutubi mai magana da yawun bakin ministan wanda ya bayyana cewa a halin yanzu babu abinda zai ce har sai sunyi bincike.

Gwamnatin shugaba Muhammadu Buharin dai tasha fama da samun suka daga wasu daga cikin mukarraban gwamnatin, a watanni da suka wuce ma anjiyo mai dakin shugaba Buharin , H.E Aishat Muhammad Buhari tayi kakkausar suka akan yadda gwamanatin mijinnata ke tafiyar da mulkin kasar.

Dabo FM Online bata tabbatar da maganar ta fito daga ministan ba.

%d bloggers like this: