Labarai

Buhari ya bada umarnin daukar matakin kuɓutar da Zainab Aliyu dake tsare a ƙasar Saudiyya

Shugaba Muhammadu Buhari ya baiwa Ministan Shari’a, Abubakar Malami SAN umarnin bin diddigi tare da daukar matakin daya dace akan lamarin Zainab Aliyu, yar jihar Kano da aka tsare a kasar Saudiyya bisa shiga da kwaya zuwa kasar.

Babbar mai baiwa shugaba Buhari shawara akan harkokin kasashen waje, Abike Dabiri Erewa ce ta bayyana haka a shafinta na Twitter yayi da take mayar da martani akan kiran da matasa sukayi a Twitter domin neman gwamnatin ta shiga maganar.

“Muna aiki hakan batun. Tin makonni 2 da suka wuce, Shugaba Buhari ya baiwa Attorney General umarnin daukan dukkan matakin daya dace. Muna samu cigaba akan aikin, ita (Zainab ALiyu) dama sauran mutum 2 da suka tsinci kansu a irin lamarinta, zasu dawo gida.”

A yan kwanakin nan ne dai hukumomi a kasar Saudiyya suka cafke Zainab Aliyu a kasar Saudi Arabia bisa kokarin shigar da miyagun kwayoyi zuwa kasar.

Hakan na zuwa ne kwanaki kadan bayan da hukumomin Saudiyya suka fillewa wata ‘yar Najeriya kai bisa kamata dumu-dumu da kwayoyi.

Sai dai bayan bincike da hukumar NDLEA ta gudanar a Najeriya, ta samu nasarar cafke wasu ma’aikatan Airport da laifin saka kwayoyi a cikin jakunkunan matafiya daga Najeriya.

Hakan yasa yan Najeriya suke tashi musamman matasa wajen fafutukar gwaamnati ta shiga lamarin wajen kubutar da ‘yan Najeriyar da aka kama a kasar Saudiyya bisa la’akarin da cewa dukkaninsu a saka musu kwayar ne batare da saninsu ba.

Karin Labarai

Masu Alaka

Rikici tsakanin kabilun Tiv da Jukun yana damu na – Buhari

Dabo Online

Bama samun Wutar Lantarki sai kazo Daura – Masarautar Daura ta fadawa Buhari

Dabo Online

Facebook ya rufe shafin kamfanin Israila da ya rika watsa farfaganda da yarfen siyasa a kan Atiku

Dabo Online

Mun bawa gwamnonin jihohi cikakken taimako – Buhari

Dabo Online

Buhari ya dakatar da dukkanin Jami’an Gwamnati daga fita kasashen Waje

Dabo Online

Bayan korafin “Anci Moriyar Ganga” da masu bukata ta musamman sukayi, Buhari ya hada musu Shan Ruwa

Dabo Online
UA-131299779-2