Buhari Travels
Labarai

Buhari zai bar Najeriya zuwa Landan kafin yanke hukuncin zaben Kano, Bauchi da Sokoto

A ranar Juma’a, shugaba Muhammadu Buhari zai bar Najeriya zuwa birnin Landan domin halartar taron zuba hannayen jari tsakanin Burtaniya da kasashen Afirika a ranar 20 ga watan Janairu.

Mai magana da yawun shugaba Buhari, Femi Adesina, ne ya sanar da hakan a cikin wata sanarwa da ya rabawa manema labarai a ranar Alhamis.

Firaministan Burtaniya, Boris Johnson ne ya shirya taron, wanda a cewarsu zai kara hada kawunan shuwagabannin Afirika tare da bunkasa kasuwancin su wanda zai samar da karuwar alaka a tsakani da samar da ayyukanyi tsakanin al’umnar nahiyar Afirika da kasar Burtaniya.

Femi Adesina, ya bayyana cewar shugaba Muhammadu Buhari zai dawo Najeriya a ranar Alhamis ta sati mai zuwa.

A ranar Juma’a ne dai ake sa ran kawo karshen shari’ar gwamnan jihar Sokoto da jami’iyyar APC take kalubalantar nasarar gwamna Aminu Waziri Tambuwal.

Inda a daya bangaren kuma, ranar 20 ga watan Janairun 2020, kotu koli ta ayyana ranar a matsayin ranar da zata yanke hukuncin shari’ar gwamnan Kano da jami’iyyar PDP da dan takararta, Engr Abba Kabir Yusuf suke kalubalantar nasarar gwamna Dr Abdullahi Umar Ganduje.

Karin Labarai

Masu Alaka

2019: Adam Zango yayi hannun riga da tafiyar Buhari

Dangalan Muhammad Aliyu

Daga kin gaskiya: Matashin daya sha ruwan kwata akan Buhari bai mutu ba.

Hanan Buhari ta kammala digiri da maki mafi daraja

Muhammad Isma’il Makama

Gobe Alhamis, Buhari zai tafi kasar Saudi Arabia

Dabo Online

Kamfe: Shugaba Buhari ya taka rawa

Dabo Online

Mun fitar da ‘yan Najeriya miliyan 5 daga kangin talauci da yayi musu katutu – Buhari

Dabo Online
UA-131299779-2