Labarai

Covid-19: Gwamnatin Kaduna ta amince a bude shagunan kayyakin abinci da na magani

Gwamnatin jihar Kaduna ta amince da bude shagunan da ake siyar da kayyakin abinci da na magani yayin dokar hana zirga-zirga a jihar.

Sai dai sanarwar tace za a iya bude shagunan daga karfe 8 na safe zuwa 6 na yamma.

Hakan na kunshe a cikin wata sanarwa da kwamishinan harkokin cikin gida da tsaro, Samuel Aruwan ne ya sanar da haka cikin wata sanarwa da ya aikewa manema labarai a yau Litinin.

Kwamishinan yace yin hakan yana cikin shiri da gwamnatin takeyi na sassauta dokar a kwana 2 na kowanne mako.

DABO FM ta tattara cewar kwamishinan yace dole ne masu zuwa shagunan da aka bude su bi umarnin bada tazara tsakaninsu domin kaucewa yaduwar cutar da tayi dalilin sanya dokar hana fita.

Haka zalika ya bayyana cewar a duk kwanaki 2 da za a sassauta dokar, wanda yake da dalilin fita ne kadai aka yarda ya bar gidanshi.

Daga karshe ya shawarci al’umma da su cigaba da bin matakan kariya kamar su wanke hannaye da ruwa mai gudana da sabulu da kauracewa taron cunkuso tare da kula da tsaftar jiki da ta muhalli.

Karin Labarai

Masu Alaka

Ganduje ya kori mota cike da ‘yan cirani zuwa Kano daga Abuja

Dabo Online

Yanzu yanzu: Wadanda Coronavirus ta kama a Najeriya sun zama 111

Dangalan Muhammad Aliyu

Alkaluman ‘Corona Virus’ ya zama 35 bayan sake tabbatar da 5 a safiyar Litinin

Dabo Online

Wasu manyan abubuwan da Buhari ya fada na saukakawa talaka a jawabinsa

Dangalan Muhammad Aliyu

Covid-19: Matakan da gwamnatin Kaduna ta dauka shi ne mafita – Dakta Hussaina Adamu

Mu’azu A. Albarkawa

Yanzu yanzu: An samu karin mutum 10 masu dauke da Coronavirus, jumilla 184 a Najeriya

Dabo Online
UA-131299779-2