Labarai

Dalibi ya raba wa tsoffin malamanshi na Sakandire motocin kece raini da dubunnan Nairori

Sashin Hausa na Legit.ng ya rawaici cewa;

“Kimanin kwanaki 10 da suka gabata ne aka yi bikin murnar cikar kwalejin gwamnatin tarayya dake garin Daura jahar Katsina (FGC Daura) shekaru 30 da kafuwa, taron daya samu halartar dururuwan tsofaffin dalibai da malamansu.

A yayin taron ne wani tsohon dalibin makarantar ya nuna bajinta, tare da fitar da tsofaffin daliban makarantar kunya, inda ya baje kolin wasu tsala tsalan motocin alfarma guda 7 domin rabarwa ga wasu tsofaffin malamansa.

Wannan dalibi ba wani bane illa Dakta Aminu Abdullahi Shagali, Kaakakin majalisar dokokin jahar Kaduna, kuma shugaban kungiyar kakakakin majalisun dokokin jahohin Arewa gaba daya.

Da yake mika motocin ga Malaman ta hannun wakilinsa a yayin taron, Shagali ya bayyana farin cikinsa da ganin wannan rana, sa’annan ya yaba da kokarin da Malaman suka yi a kansa lokacin da yake dalibin makarantar.

Malaman da suka samu wadannan kyaututtuka sun bayyana farin cikinsu, tare da fatan Allah Ya saka ma wannan dalibi nasu da albarka.

Baya ga motocin, Shagali ya raba ma Malaman kudin shan mai, haka zalika ya aika da sakon kudade ga iyalan tsofaffin Malaman makarantar da suka rasu, sai kuma suma malaman dake makarantar a yanzu sun samu ihisanin.

Bugu da kari kaakakin ya dauki nauyin gudanar da manya manyan ayyukan more rayuwa a cikin makarantar domin amfanin dalibai, malamai da ma sauran al’ummar makarantar, kamar su gyaran dakin karatu, famfunan ruwa, da sauransu.

Legit.ng Hausa

Karin Labarai

Masu Alaka

Kotu ta kori bukatar haramtawa Ibrahim Magu zama shugaban EFCC

Hassan M. Ringim

Bola Tinubu ya bada tabbacin sakin ‘Yan Arewa 123 da aka tsare a Legas

Dabo Online

Sadiya Umar Faruq ta karyata rubutun da wani shafin Twitter yayi akan batun babu aurenta da Buhari

Dabo Online

Kotu ta umarci Buhari ya kwato Kudaden fansho da tsofaffin Gwamnonin da suka zama Ministoci da Sanatoci

Hassan M. Ringim

Sadiya Umar Faruq ta karyata shafin Twitter da yace babu batun Aurenta da Shugaba Buhari

Dabo Online

Anyi kira ga Ministoci da su duba buktar Mutane ba ta kawunansu ba

Mu’azu A. Albarkawa
UA-131299779-2