Labarai

Fashewar tukunyar ‘Gas’ ta hallaka wasu ‘yan uwa su 8 har lahira a jihar Katsina

Gobara ta cinye wasu ‘yan uwa takwas. Wutar da ta tashi da misalin karfe 5 na yamma ranar Asabar a garin Dan Musa na karamar hukumar Dan Musa, ta yi sanadin mutuwar mutane takwas har lahira bayan sun yi kurmus zuwa baki.

Gobarar ta samo sanadi ne ta dalilin fashewar tukunyar Gas da ake amfani da ita wajen dafa abinci. A cewar bayanai, mutane biyar daga cikin mamatan, matan aure ne, sai kuma uku duk yara ne.

Daga cikin matan auren akwai wata Maryam da ta zo daga Abuja domin ta ziyarci ‘yan uwan na ta. Tun da farkon tashin gobarar, mutane da dama sun yi kokarin balla kyauren shiga gidan don su taimaka, amma kofar ta ki buduwa, har sai da ajalinsu ya yi.

A cewar dan uwan wadanda suka rasun, Mai Iyali, ya bayyana mutuwar a matsayin wacce ta jijjiga su. Kuma za su jima cikin jimamin al’amarin.

Kakakin ‘yan sanda na jihar Katsina SP Gambo ya tabbatar da faruwar wannan iftila’i.

Karin Labarai

Masu Alaka

Ma’akatan S-Power ta jihar Katsina zasu tsunduma yajin aikin sai Baba-ta-gani

Rilwanu A. Shehu

Katsina: ‘Yan bindiga sun sace surukar gwamnan jihar Katsina, Masari

Dangalan Muhammad Aliyu

Jami’an tsaro sun tsare wani Malami bayan ya soki Buhari da gazawar Gwamnatin akan matsalar Tsaro

Dabo Online

‘Yan sanda na farautar yan kungiyar ‘Sa Kai’ da suka harbe jami’an tsaro a Katsina

Dabo Online

Tirkashi!: Wani Bakatsine ya canza sunan sa daga Buhari zuwa Sulaiman

Muhammad Isma’il Makama

Katsina: Gidauniyar Kwankwasiyya zata kafa asusun fitar da dalibai karatu kasashen Duniya

Muhammad Isma’il Makama
UA-131299779-2