Labarai

Hoton ‘soyayya’ na Baturiyar Amurka da dan Kano a dakin Otal ya janyo cece kuce

Hoton Sulaiman da masoyiyarshi yar kasar Amurka a dakin wani Otal a jihar Kano, ya janyo cece kuce tsakanin mutane musamman a kafofin sada zumunta.

Tin bayan zuwan tsohuwar baturiya mai shekaru 43 Kano domin kawo wa masoyinta matashi Sulaiman wanda har ta kai ga fara shirin aure, al’umma da dama suke ta tofa albarkacin bakinsu.

Sulaiman tare da Madam Sanchez yayin daukar hoto irin na masoya.

Lamarin yayi tsamari bayan fitowar hotunan wanda yasa wasu ke ganin yakamata a daura auren kafin lokacin da aka shirya daurawa bisa ganin illar da take tattare da barinsu suna zama a dakin Otal su kadai.

Mutane da dama na cewa; “Ayi maza a daura auren nan kafin ta lalata yaron nan.”

DABO FM ta tattara cewa bayan tattauanawa da iyayen matashin, an tsara dauri auren a cikin watan Maris mai kamawa.

Haka zalika a bangaren mahaifin matashin, Alhaji Isa Sulaiman tsohon jami’in yan sanda, ya gindaya wa baturiyar sharuda wadanda a cewarshi dole ta cikasu kafin a daura auren.

Sharudan da suka hada da; kawo rubutacciyar sahalewar auren daga iyaye ko waliyyanta, barin matashin ya cigaba da fadada karatunshi, barinshi a addininshi tare da saka jami’an tsaro da gwamnati a cikin lamarin.

Tini dai baturiyar ta amince da sharudan tare da bayyana shirinta na komawa Amurka a cikin wannan makon domin kammala shirye-shirye kafin lokacin auren na watan Maris ya kama.

Karin Labarai

Masu Alaka

Wasu ‘yan Siyasar suna amfani da Jahilcinsu wajen Jahilartar da Matasa, Daga Umar Aliyu Fagge

Dabo Online

‘Dan Najeriya ya kammala karatu da sakamako mafi kyau a Jami’ar kasar Indiya

Dabo Online

Zane-zane na basira da ‘dan Arewa Abbas Nabayi mai shekaru 21 yake yi

Dabo Online

Kwana 161 da daukewar tauye hakki da akayi wa matashi Abubakar Idris ‘Dadiyata’

Dabo Online

Matashi ya biyawa dalibai 44 kudin jarabawar NECO da WAEC kyauta

Mu’azu A. Albarkawa

Borno ta doke Kano a zabe na 2 a gasar Kwalliyar Al’adu bayan ayyana zaben farko ‘Inconclusive’

Dangalan Muhammad Aliyu
UA-131299779-2