Labarai

Kotu ta kara baiwa gwamnatin tarayya umarnin sakin Sambo Dasuki

Kotun daukaka kara dake zama a Abuja ta baiwa tsohon mai bada shawara kan harkokin tsaro na kasa, Sambo Daski beli akan kudi Naira miliyan 100.

Haka zalika, kotun ta umurci Sambo Dasuki da ya kawo mutanen da za su tsaya mashi suma a kan kudi Naira miliyan 100 kowannensu.

Sambo Dasuki na a tsare tun shekarar 2015, duk da cewa kotuna da dama sun ba Dasuki beli. A cikin watan Yuli 2018, Ijeoma Ojukwu, wani jojin babbar kotun tarayya a Abuja, ya bayar da beli ga Dasuki akan kudi Naira miliyan 200.

Alkalin ya zayyana sharuddan belin da suka hada kawo mutane da za su tsaya mashi wanda dole su zama ma’aikatan gwamnatin tarayya a mataki na 16.

Amma da kotun daukaka kara ke sake duba batun belin, kotun ta zayyana cewa wadanda za su tsaya mashi dole sai sun kasance mazauna Abuja.

A takardar hukuncin kotun, ta bayyana cewa “Duka wadanda za su tsaya mashi sai sun kawo ma kotu shaidar cewa suna da kadarori a babban birnin tarayya da kudinsu ya kai Naira miliyan 100.”

Kotun ta kara da cewa “Idan akwai bukatar zantawa tsakanin mai kara da wanda ake kara a kan batun zargin, to kada a tsare wanda ake kara, sa’annan a gudanar da zantawar a ranakun aiki kadai tsakanin karfe 9:00 na safe zuwa karfe 6:00 na yamma.”

Ana zargin tsohon mai bada shawarar kan harkokin tsaro da laifin karkatar da kudi da aka ware don yakar ta’addanci, zargin da Sambo Dasuki ya musanta.

Karin Labarai

Masu Alaka

Masarautar Bichi tayi fatali da umarnin kotu, ta cire rawanin Sarkin Bai da wasu Hakimai 4

Muhammad Isma’il Makama

Kotu ta watsar da bukatar Atiku na bincikar kundin tattara sakamakon zaben 2019 daga INEC

Dabo Online

Yanzu-yanzu: Baza mu yarda da hukuncin kisa ba, zamu daukaka kara -Lauyoyin Maryam Sanda

Muhammad Isma’il Makama

Kotu ta kwace kujerar majalissa daga dan PDP ta bawa dan APC bisa rike shaidar zama dan kasar Birtaniya

Dabo Online

Kotu ta ayyana Kungiyar Shi’a a matsayin Kungiyar Ta’addanci tare da haramta ta a Najeriya

Dabo Online

Da makin ‘F9’ a darrusan Lissafi da Turanci jami’ar ABU ta bawa CJN Tanko gurbin karatu

Muhammad Isma’il Makama
UA-131299779-2