Labarai

Kotu ta kori bukatar haramtawa Ibrahim Magu zama shugaban EFCC

Ranar laraba wata babbar kotun Abuja ta tabbatar da cewar Ibrahim Magu zai ci gaba da kasancewa shugaban rikon kwarya na hukumar yaki da cin hanci da rashawa a Najeriya.

Hukuncin da aka zartar a wata babbar kotun tarayya da ke Abuja, mai shari’ah Ifeoma Ojukwu ta bayyana cewar bukatar masu karar ba mai karbuwa ba ce, ba ta da nagarta, don haka ta kori karar.

Bukatar da aka turawa kotun tun da farko, ta samo asali ne saboda majalissar dattawa ta 8 karkashin jagorancin Sanata Bukola Saraki, ta kasa tantance Magu gami da tabbatar da shi a matsayin shugaban hukumar mai cikakken iko.

Hakan ya bayu ne sanadin matsalar da aka samu wajen tantance Magu daga bangaren hukumar tsaro ta farin kaya, yanda suka turo wasiku har biyu masu cin karo da juna, wanda duk tsohon shugaban hukumar Lawal Daura ya rattabawa hannu.

A yanzu dai za a iya cewa Magu zai ci gaba da jagorantar hukumar da sunan shugaban rikon kwarya, har zuwa lokacin da wannan majalissa ta 9 za ta tantanceshi idan an tura musu da wannan bukatar daga fadar shugaban kasa.

Karin Labarai

Masu Alaka

Anyi kira ga Ministoci da su duba buktar Mutane ba ta kawunansu ba

Mu’azu A. Albarkawa

Sadiya Umar Faruq ta karyata rubutun da wani shafin Twitter yayi akan batun babu aurenta da Buhari

Dabo Online

Bola Tinubu ya bada tabbacin sakin ‘Yan Arewa 123 da aka tsare a Legas

Dabo Online

Gaggauce: Ghali Umar Na’abba bai rasu ba

Dangalan Muhammad Aliyu

Dalibi ya raba wa tsoffin malamanshi na Sakandire motocin kece raini da dubunnan Nairori

Dabo Online

Buhari bai bawa dan Fim din Hausa, Nura Hussaini mukami ba

Dabo Online
UA-131299779-2