Labarai

Kotu ta kwace kujerar dan majalissar APC ta bawa na PDP a jihar Imo

Wata babbar kotu dake da zamanta a garin Owerri, ta kwace kujerar zababben dan majalissar tarayya, Ugonna Ozurigbo, dake wakiltar Nkwerre/Nwangele/Njabu/Isu na jihar Imo.

A ranar Laraba, ya rubuta takardar ajiye matsayinshi na mataimakin kakakin majalissar jihar Imo.

Mai shari’a P.A Regime, ya bawa hukumar zabe ‘INEC’ umarnin baiwa Kingsley Echendu na jam’iyyar PDP takardar shaidar cin zaben dan majalissar tarayya na 2019.

Kotu tace Harrison Nwadike, wanda ya kai karar, shine halastaccen dan wanda ya lashe zaben cikin gida da jam’iyyar APC ta gudanar.

Nwadike ya kai karar jami’iyyar APC da hukumar INEC bisa aike da sunan Ozurigbo a matsayin wanda zai yi jami’iyyar takarar kujerar majalissar.

Nwadike ya bukaci kotun ta tabbatar dashi a matsayin sahihin dan takarar kujerar majalissar tarayyar a inuwar jami’iyyar APC, bisa dalilinshi na cewa kundin tsarin jam’iyyar bai yadda “Ci ba hamayya ba.”

Mai Shari’a ya tabbatar da takarar Ozurigbo haramtacciya ce, ya kuma bawa INEC umarnin baiwa dan takarar PDP, Echendu, wanda yazo na biyu a samun kuri’u,  takardar shaidar cin zabe.

Kotun ta tabbatar da ‘dan takarar PDP a matsayin zababben dan majalissar ne bisa dalilinta na cewa; Nwadike bai shiga zaben kowane mataki ba.

Ma’ana bai shiga zaben fidda gwani na APC ba tinda jami’iyya tace dan takararta yaci babu hamayya a wancen lokacin.

Karin Labarai

Masu Alaka

Na’urar tattara zabe ta INEC ta nuna Atiku ne ya lashe zaben 2019 – PDP

Dabo Online

PDP ta zargi Buhari, INEC da shirin yin magudi

Dabo Online

KANO: Za’a sake zabe a akwatina 234 daga cikin kananan hukumomi 30 da aka soke -INEC

Dangalan Muhammad Aliyu

#NigeriaDecides2019: Atiku ya lashe akwatin gidan Kwankwaso

Dabo Online

Baza’a dena amfani da na’urar Card Reader ba – Hukumar INEC

Zaben Gwamna: Wasu fusatattun matasa sun kone mota cike da dangwalallun kuri’u a Kano

Dabo Online
UA-131299779-2