0
Mahaifin fitaccen mawakin wakokin Hausa na zamani, Umar M Shareef, ya rasu a ranar Litinin, 2 ga watan Maris 2020.
Mawakin ya wallafa a shafukanshi na sada zumunta a daren Litinin tare da rokon addu’ar al’umma domin neman yafiyar mahaifin nashi.
DABO FM ta tattara cewar mahaifin mawakin ya kasance mahaifin daya daga cikin jarumawan masana’antar Kannywood, Abdul M Shareef wanda kani ne ga Umar Shareef.
Umar M Shareef ya kasance fitaccen mawakin fina-finan Hausa na Kannywood wanda yayi shura wajen iya rera wakokin soyayya.
