Labarai

Manyan Najeriya basa kauna ta – Shugaba Buhari

Daga shashin Hausa na BBC “

“Shugaban Najeriya, Muhammadu Buhari ya ce bai damu da rashin kaunar da manyan kasar suke nuna masa ba.

A wata hira ta musamman da gidan talabijin din kasar (NTA), Shugaba Buhari ya ce shi yana da yakinin cewa babu wani a kasar da zai iya samun kuri’un da ya samu a zabensa na farko da na biyu.

Ya ce yana da masaniyar cewa manyan kasar kwata-kwata ba sa kaunarsa, inda ya ce hakan ba ya damun sa ko kadan.

Da aka tambayi shi kan kamun ludayinsa dangane da masu yi wa tattalin arzikin kasar zagon kasa a sabuwar gwamnatinsa da za ta fara ranar 29 ga wannan watan, sai Buhari ya ce “Zan kara wa ‘yan sanda da kotu karfi” yadda ba za su tausaya wa masu laifi ba.”

Buhari ya sha alwashin cewa duk masu yi masa kallon yana ‘tafiyar hawainiya’ to za su kunyata domin za a ga wani Buhari ne daban.

Shugaba Buhari ya kuma dora alhakin lalacewar jami’an tsaro musamman sojoji ga shugabannin da suka yi mulki daga shekarar 1999 zuwa 2015, inda ya ce a lokacin ne aka samu tabarbarewar aikin da kuma rashawa da cin hanci.

Sai dai Buhari ya yaba wa masu rike da mukaman jagorancin sha’anin tsaro, inda har ya nuna cewa gwamnatinsa ta yi nasarar karya kungiyar Boko Haram.

Karin Labarai

Masu Alaka

Gobe Alhamis, Buhari zai tafi kasar Saudi Arabia

Dabo Online

Bazan bari kuyi zalunci a zaben 2023 ba – Buhari ya fada wa masu madafun iko

Dabo Online

Shugaba Buhari ya nuna alhininshi ga mutuwar Umar Sa’idu Tudun Wada

Dabo Online

Buhari ya hana Atiku wajen taro a Abuja

Dabo Online

To fa: Sanusi ya nemi Osinbajo yayi masa mataimakin shugaban kasa lokacin da Buhari bashi da lafiya

Muhammad Isma’il Makama

Dole ‘yan Najeriya su dena fita kasashen waje don neman magani -Buhari

Dabo Online
UA-131299779-2