Labarai

N3000 ce tayi sanadiyyar shigarmu Boko Haram – Tsohon dan Boko Haram

Wani daga cikin tsofaffin mayakin kungiyar ta’addanci ta Boko Haram ya bayyana farkon abinda ya fara jan ra’ayinsu suka shiga cikin kungiyar.

Tsohon mayaki da bai fadi sunanshi ba ya bayyana hakane ne a wata hirarshi da shashin Hausa na BBC.

DABO FM ta tattaro cewa; Ya bayyana cewa da Naira 3000 aka fara jan ra’ayinsu zuwa kungiyar ta Boko Haram bisa rashin aikin yi da yayi musu katutu.

“Kullin muna zaune a gida bamuda aikin yi, akwai daya a cikinmu, kullin yana fita yana dawo wa da dubu 5000, 6000 a hannu, yana mana siyayya”

Ya kara da cewa daga nan suka fara tambayarshi “in akwai wani abu da kakeyi muje muyi tare mana” inda ya ce; ya amsa musu cewar “Ku bari baza ku iya wannan ba.”

Hakan yasa ya fara jan hankalinsu ta inda ya bayyana cewa ya fara jan mutum daya a cikinsu, ya kaishi, “suka je sukayi suka dawo, daga nan ne ya bayyana cewa an fara bashi N3000.

“Muma muna zaune, suka same mu mukayi shawara, a haka suka ja ra’ayinmu.”

DABO FM ta tattaro cewa; tsohon dan Boko Haram din ya bayyana cewa; babu batun musulunci a aikin kungiyar, domin kuwa shima da farko, ya zata addinin akeyi wa aiki.

Inda ya bayyana cewa anayin Zina da matan da ake kamowa, shaye-shayen miyagun kwayoyi, wanda a cewarshi duk addinin musulunci bai yadda dasu ba.

Ya kuma kara yin tsokaci kan batun lamarin shugaban kungiyar, Abubakar Shekau, inda ya bayyana cewa su ma da suke mayakan kungiyar a wancen lokaci, basu taba yin ido hudu da shugaban ba.

Har ma yayi togashiya da cewa “zancen Shekau fa kawai zance ne.”

Zamu cigaba da kawo muku hirar a nan gaba………………….

Karin Labarai

Masu Alaka

Babu inda Boko Haram take da ko taku daya a Najeriya – APC

Muhammad Isma’il Makama

Yanzu-Yanzu: Boko Haram na luguden wuta a Damaturu

Muhammad Isma’il Makama

Sojojin Saman Najeriya sun fatattaki mafakar Boko Haram a dajin Sambisa, sun hallaka da dama

Dangalan Muhammad Aliyu

Sojoji sun fatattaki Boko Haram a yunkuri harin Damaturu

Dabo Online

Boko Haram: A jihar Borno kadai, mutane sama da dubu 140 ne suka yi gudun Hijira a shekarar 2019

Dabo Online

Jami’an SARS sun kashe mayakan Boko Haram da dama a wata arangama da sukayi a Borno

Dabo Online
UA-131299779-2