Sarakunan Zamfara sun kalubalanci Ministan Tsaro ya fadi sunayen masu hannu a rikicin Zamfara

Majalissar Sarakuna da shuwagabannin gargajiya na jihar Zamfara sun bukaci Ministan Tsaron Najeriya, Dan Ali, da ya fadi sunayen Sarakunan da yace da sa hannunsu ake kashe-kashe da sace-sace a Zamfara.

Da yake bayani a madadin majalissar, Sarkin Bagudu, Alhaji Hassan Attahiru, yace ministan ya fito ya fadawa duniya suwaye suke da hannu a ciki.

Sarki Bagudu ya kara da cewa, indai har Ministan Tsaro, Dan Ali ya gaza fitowa ya fadi sunayen Sarakunan, to tabbas maganar batada tushe da asali kuma a iya kiranta da karya.

“Tin shekaru da suka wuce muke bawa jami’an tsaro gudunmawa wajen bada bayanan na daga wuraren buyar ‘yan ta’addar, da bayani game da komai da komai, amma jami’an tsaro sun gaza yin abinda ya dace.”

Muhammad Aliyu Dangalan

•Sublime of Fagge's origin. •Apprentice Journalist. •Doctor of Pharmacy student.