Copyrighted.com Registered & Protected

Sarkin Zurmi na Zamfara ne yace a kashe dukkan mutanen Dumburum – Gov Abdul’aziz Yari

  • “Sama da shekaru 3, Dumburum ta kasance wata matattarar kuma maboyar ‘Yan Bindiga, Sarkin Zurmi ya taba cemin a kashe dukkanin mutanen kauyen saboda duk ‘Yan ta’adda ne.”
  • “Nayi mamaki danaji majalissar Sarakunan Zamfara sunce hare-haren da sojojin sama suka kai a kauyukan Dumburun mutane kawai yake kashewa.” – Gov Yari.

Gwamnan jihar Zamfara, Abdul’aziz Yari ya bayyana cewa akwai wata rana da Sarkin Zurmi ya taba ce masa aje a kashe duka ‘yan kauyen Dumburum bisa dalilin kasancewar kauyen maboyar ‘yan bindiga sama da shekaru 3.

Jaridar Sahara Reporters tace Gwamna Yari ya bayyana haka ne bayan tarbar Kwamitin masu bincike kan ikirarin da Sarakunan Zamfara sukayi na cewa hare-haren sojojin sama na kashe mutanen gari ne kawai.

Masu Alaƙa  Shawarata ga Shugaba Buhari kan yadda za'a magance tsaron Borno da Zamfara, Daga Datti Assalafiy

Gwamna Yari yayi martani da cewa gwamnati bazata bada hakuri ko nuna kulawa kan maganar da Sarakunan sukayi ba, yace Sojojin saman da suka kai hari sun tabbatar da cewa maboyar ‘Yan ta’addar suka tarwatsa lokacin harin.

“Iya masaniya ta,  kuma a matsayina na shugaban jihar Zamfara, banga wani laifi ko aikata abinda ba dai dai ba a harin da sojoji sukayi; kuma har yanzu bamu samu labari akan an kashe mutanen gari ba.” – a cewar Gwamna Yari.

“Nayi mamaki dana ji hadda Sarkin Zurmi a wadanda suke cewa an kashe mutanen gari a harin sojojin saman, shi da kanshi ya taba cemin Dumburum mattara ce ta ‘yan bindiga don haka ya kamata a tashi kauyen baki daya.”

Masu Alaƙa  Zamfara: Jami'an tsaro basa mana aikin komai - Sarkin Shanun Shinkafi

“Bazamu kyale wasu mutane da suke zamansu a Abuja su ƙirƙiri abinda zai hana sojoji cigaba da yaki da ‘yan ta’addar ba.”

“Ina kira ga dukkanin jami’an tsaro musamman sojojin sama, da su cigaba da gudanar da aikinsu na dawo da zaman lafiyar da jihar Zamfara ta rasa tin shekarar 2007, zamu basu dukkanin wani taimako da goyon baya wajen cigaba da aiyukan nasu.”

“Ku cigaba da luguden wutar da kukeyi domin nunawa ‘yan ta’addar cewa akwai gwamnati a ban kasa, kuma bazamuyi zaman sulhu dasu ba saboda mun taba yin hakan dasu, suka nuna mana sun dena kuma zasu bawa yaransu umarnin denawa, amma sai yaran suka cigaba da yin ta’addancin.

Idi Lubo, shugaban wakilan masu binciken, ya baiwa Gwamna takardar ta’aziyya wacce shugaban rundunar Sojin Sama, Sadique Abubakar ya aikowa Gwamna Yari, inda ya tabbatar masa da zaiyi duk mai yiwuwa wajen gano gaskiya akan kashe-kashen Zamfara.

Masu Alaƙa  Zamafara: Sojojin Najeriya sun kashe 'yan bindiga sama da 20

Kwamitin masu bincike ya samu ziyartar wasu jami’an tsaro, ma’aikatan Gwamnati tare da sarakunan gargajiya.

Bayyana ra'ayi a sahafinmu na Facebook

Gargadi

Ba'a yarda wani kamfanin Labarai ko shafi yayi amfani da Rahotanninmu ba tare da tuntubarmu ba. Tuntube mu ta "submit@dabofm.com
%d bloggers like this: