Labarai

Wa’adin da Ganduje ya bawa Sarki Sunusi na karbar shugabancin Majalissar Sarakuna zai kare gobe

Ranar 21 ga watan Disamba, wa’adin da Gwamnatin jihar Kano ta bawa Sarkin Kano, Muhammadu Sunusi II, na rubuto mata takardar karbar shugabancin Majalissar Sarakunan jihar Kano da gwamnan jihar ya bashi, zai kare.

Hakan na kunshe a jikin wata takarda mai lamba SSG/SD/A/36/S/T.III da gwamnatin ta aikewa Sarkin Kano ta ofishin sakataren gwamnatin jihar a ranar 19 ga watan Disamba wacce DABO FM ta ganewa idanuwanta.

Gwamnatin ta yi wa mai martaba Sarki tini kan bukutar gwamna na ya rubutu shaidar ya karbi mukamin, ko kuma rashin karbarshi.

Takardar tace; “A yanzu da kake jiran wani tsammani daga gwamna, yana da kyau ka karbi nadin ko kuma sabanin hakan.”

“Ana bukatar ka aikewa matsayarka kan nadin da akayi cikin kwana biyu daga ranar da aka aiko maka da wannan takardar.”

DABO FM ta tattara cewa tin dai a ranar 9 ga watan Disamba, gwamna jihar ya nada Sarkin Kano a matsayin sabon shugaban Majalissar Sarakuna tare da umartarshi da ya aike da rubutaccen sakon karbar mukamin da gwamnan ya bashi.

Haka zalika ya kuma hada taro ya rantsar da sauran sabbin ‘yan Majalissar wadanda suka hada da sabbin Sarakunan Kano guda 4.

Duk dai a takarda mai lamba SSG/REPA/S/A/86/T, gwamnan ya bawa Sarki Sunusi damar kin karbar nadinshi a matsayin shugaban Majalissar.

A jiya Alhamis, gwamnan ya bayyana yacce wasu kungiyoyin yan kishin jiha suna bukaci a tsige shi bisa yunkurinshi (Sarki Sunusi) na kirkirar sabuwar jihar Kano.

Masu Alaka

Ban karbi Sarautar Bichi don rage darajar Sarki Sunusi ba – Aminu Ado Bayero

Dabo Online

Ganduje ya soke yin ‘Hawan Nassarawa’ da masarautar Kano takeyi duk ranar 3 ga Sallah

Dabo Online

Sandar da Sabbin Sarakunan Kano suke rikewa “Kokara” ce – Kwankwaso

Dabo Online

Masarautar Rano ta hukunta Hakimai da sukayi wa sarkin Kano Sunusi mubaya’a

Dabo Online

Wata babbar Kotu ta dakatar da umarnin kama akantan Sarkin Kano Muhammadu Sunusi II

Dabo Online

Buhari ya kira Ganduje zuwa Abuja akan rikicinshi da Sarki Sunusi

Dabo Online
UA-131299779-2