Labarai

Ya sanya ‘danshi a makarantar da ya kashe wa miliyan 195, ya dauki Malamai 42 na musamman, El-Rufa’i

Da safiyar yau ne gwamnan jihar Kaduna, Mallam Nasiru El-Rufa’i, ya kai ‘danshi Abubakar, makarantar Firamare ta Capital School dake jihar.

Hakan na zuwa ne bayan da gwamnan ya alkaurata sanya ‘dan nashi a makarantar gwamnati da zarar ya cika shekaru 6 a duniya.

Sai dai DABO FM tayi waiwaye wajen dubo irin ayyuka da gwamnan yayi a makarantar a watanni 17 da suka gabata, kama daga inganta ajujuwa da kawo ingantattun Malamai masu kwarewa.

A ranar 13 ga watan Maris, 2018, Kwamishinan Ilimi na jihar a wancen lokaci, Ja’afaru Sani, ya tabbatar da mayar da malamai 42 da suke aikin wucin gadi a makarantar suka zama Malaman din-din-din.

Haka zalika, gwamnatin ta bayyana gyaran Makarantar akan kudi na Naira miliyan 195 domin mayar da ita cikin jerin Makarantun da suka fi kowanne a fadin Najeriya. – Daily Trust, PM News, SignalNG da Majalissar kula da ayyukan raya kasa ta jihar KDMobp sun tabbatar da haka.

Hakan ce tasa wasu suke alakanta gyaran makarantar duk a cikin shirin saka danshi domin yin karatu a ciki.

Hasalima dai Makarantun “Capital Schools”, ba makarantu ne irin na gama-gari ba, domin kuwa ‘dan talaka bazai iya karatu aciki ba saboda tsadar ta.

A wata hira da sashin Hausa na BBC yayi da shugaban Makarantar, ya bayyana kudin da kowanne yaro yake biya a matsayin kudin makaranta a kowacce shekara.

A halin yanzu, iyaye suna gagara ture ‘ya’yansu Makarantun da ake biyan N750 kacal.

A jihar Kano, akwai Makarantar ‘Kano Capital School, itama makarantace da ‘dan talaka baya iya shigarta domin tsadarta.

Karin Labarai

Masu Alaka

Yanzu-Yanzu: El-Rufa’i ya bawa Sanusi II Murabus babban mukami, kwana 1 da sauke shi

Muhammad Isma’il Makama

Hanyar Kaduna zuwa Abuja tafi kowacce hanya tsaro a duk fadin Najeriya -El Rufai

Muhammad Isma’il Makama

Babban shehin malamin coci ya samu wahayin El-Rufa’i bazai taba mulkin Najeriya ba

Muhammad Isma’il Makama

El-Rufa’i yayi tir da kashe Tiriliyan 17 a gyaran wutar lantarki da gwamnatin Buhari tayi

Muhammad Isma’il Makama

Mallam El-Rufai ya kama malamai 2 da suka karya dokar hana fita

Dabo Online

Kyan Alkawari: El-Rufa’i ya sanya ‘danshi na cikinshi a makarantar Firamare ta gwamnanti

Dabo Online
UA-131299779-2