Labarai

Yadda Hakimin Birnin Gwari ya tsere daga hannun masu garkuwa da mutane suna tsaka da barci

Hakimin Birnin Gwari kuma Sarkin Kudun Birnin Gwari Alhaji Yusuf Yahaya Abubakar, wanda aka yi garkuwa da shi kwanaki takwas da suka gabata ya kubuta daga hannun masu garkuwan.

Rahoton mu na nan Dabo FM ya gano hakimin ya kubuta ne a daren ranar Alhamis din daya gabata zuwa wayewar garin Juma’a a wani kauye Sabon Birni inda ake rike da shi.

Duk kuwa da ‘yan uwansa sun biya kudin fansa na Naira miliyan 3.5, amma sun ki sakinsa har sai da Allah ya kubutar da shi ta hanyar guduwa.

Wakilinmu ya ziyarci gidansa da ke a Kaduna inda ya tarar da ‘yan uwa da abokanen arziki cike da suka je  taya shi murna, kamar yadda DailyTrust ta bayyana.

“Allah ne kurum ya kubutar da mu dan haka ina wa Allah  Godiya matuka da Ya sa har na dawo gida lafiya,” in ji shi.

Sarkin Kudun ya kuma ce shi ba zai ce komai ba dangane da halin da ya shiga illa kurum ya mika godiyarsa ga Allah.

Shima wanda aka sace su tare a makon jiya watau tsohon sakataren ilmi a Birnin Gwari watau Ibrahim Musa, shima an ce an sako shi kwana biyu da suka wuce.

Sai dai babu bayanin ko am biya kudin fansa kafin a sake shi.

Mukaddashin Gwamnar jihar Kaduna Aminu Shagali, ya ziyarci gidan Sarkin Kudun, inda ya jajanta masa.

Masu Alaka

Gwamnatin Kaduna zata daukaka kara akan izinin Al-Zakzaky na zuwa Indiya

Dabo Online

Yanzu Yanzu: Masu garkuwa da mutane sun sace matar dan majalisa a Jigawa

Muhammad Isma’il Makama

Babban shehin malamin coci ya samu wahayin El-Rufa’i bazai taba mulkin Najeriya ba

Muhammad Isma’il Makama

Babu inda Boko Haram take da ko taku daya a Najeriya – APC

Muhammad Isma’il Makama

Yanzu-yanzu: ‘Yan bindiga sun kai hari Abuja, sun sace fasinjoji da dama

Muhammad Isma’il Makama

Gwamnatin jihar Kaduna zata fara biyan sabon Albashi na N30,000 daga watan Satumba

Dabo Online
UA-131299779-2