Labarai

Gwamnatin jihar Zamfara ta ware biliyan 1 don ginin Masallatai, Magabartu da ciyarwar Ramadan

Gwamnatin jihar Zamfara ta bayyana ware Naira biliyan 1 domin ginin Masallatan Juma’a, gyaran Makabartu, Ciyarwar Azumi da wasu ayyuka na sha’anin addini Islama a shekarar 2020.

Kwamishinan Ma’aikatar sha’anin addinai, Sheikh Tukur Jangebe ne ya bayyana haka yayin da yake kare kasafin kudin da ma’aikatar tayi a gaban Majalissar jihar dake garin garin Gusau a jiya Laraba.

DABO FM ta tattaro cewa Sheikh Jangebe yace za’a kashe sama da Naira miliyan 300 domin ciyarwa da taimako a yankunan karkara a lokacin azumin watan Ramadana.

“Kun sani cewa a duk lokacin Ramadan, a karkashin wanna ma’aikata, gwamnatin jiha tana bude cibiyoyin ciyarwar a fadin jiha baki daya.”

“A wannan lokacin, muna son fitar da sabon tsarin ciyarwa a fadin jihar, muna so muyi tsarin domin mutanen karkara sun amfana sosai a cikin wannan shirin.”

DABO FM ta tattara cewa ya sake bayyana cewa a karkashin kasafin kudi na shekarar 2020 da ya gabatar, ma’aikatar ta tsara gina karin Masallatan Juma’a guda 17 a yankin kowacce Masarauta dake jihar.

Ya kara da cewa za’a gina manyan Makarantun addinin Musulunci a kowanne yanki 3 dake jihar.

“Mun fuskanci yawanci daga cikin makabartun jihar sun rusa tare da cewar wasu guraren ma basu da ita gaba daya.”

“Zamu gyara dukkanin makabartun da suke a kananan hukumominmu 14 tare da samar da wasu sabbi a guraren da ake da bukata.”

Ya kara da cewa shirin ma’aikatar ya kunshi kara albashi na Malaman masallatan Juma’a na jihar, ya tabbatar da ware kudin wa’azi/da’awa duk a cikin kasafin kudin na shekarar 2020.

Masu Alaka

Zamfara: Kotun ‘Allah Ya Isa’ ta kwace zabe daga APC da bawa PDP

Dabo Online

Bayan biliyan 1 na gyaran makabartu, Matawalle zai gina sabon gidan gwamnati na biliyan 7

Dabo Online

Jama’ar gari ne kadai suke mutuwa a harin Jiragen Sojoji a Zamfara

Dabo Online

Za’a gudanar da Zaben kananan hukumomi ranar 27 a jihar Zamafara

Dangalan Muhammad Aliyu

Mutum 42 sun rasa rayukansu a harin da ‘Yan Bindiga suka kai wasu kauyukan jihar Zamfara

Dangalan Muhammad Aliyu

Rikicin Zamfara: Rashin adalci ne ace ban damu da kashe kashen Zamfara ba – Buhari

Dabo Online
UA-131299779-2