Gwamnatin kasar Indiya ta kaddamar siyar da Audugar Mata akan kudin kasar na Rupee 1 kacal, kwatankwacin Naira 5.07.
Kasar ta rage farshin Audugar daga Rs 2.50 zuwa Rs 1 domin taimakawa dukkanin mata a kasar su mallaki tasu audugar.
Ministan kula da harkokin Sinadarai (Chemical), Mansukh Mandaviya, ne ya jagoranci shirin a watan Agusta a babban birnin New Delhi dake kasar.
Sai dai wani hoto da Ministan ya wallafa a shafinshi na Twitter ya sha suka bisa dalilin rashin ganin ko mace guda 1 a taron kaddamar da shirin, inda wasu ke ganin ba a daraja Mata da aka saka Maza a abinda bai shafesu ba.
#WomenEmpowerment isn't about just featuring successful women, it is about focusing on health, hygiene & comfort of women across the country. Proud to launch #Suvidha now at just ₹1/pad. This will ensure hygienic periods to crores of my sisters and mothers. #SuvidhaHuaSasta pic.twitter.com/HmqEKO1UyD
— Mansukh Mandaviya (@mansukhmandviya) August 27, 2019
DABO FM ta binciko cewa; Gwamnatin ta kirkiri kamfanin sarrafa Audugar mai suna Suvidha, tin a watan Yulin shekarar 2018, inda a lokacin ake siyar da Audugar akan kudi Rs 2.50 (N12.67).
Binciken DABO FM game da Mata a Indiya;
Zuwa yanzu, Mata miliyan dari 3 da hamsin da biyar ne suka kai minzalin yin Al’ada a kasar.
Kashi 82 daga cikin matan suna amfani da hanyoyin yin amfani da tsumma, kunzugu, kasa, toka da ciyawa domin tare zubar jinin Al’adar da sukeyi.
Adadin da ya kai miliyan dari biyu da casa’in da daya da dubu 100 ne basa amfani da Audugar Mata a kasar ta Indiya.
