Har ‘Yan Boko Haram ‘yan APC suka zama don su rubutawa kansu kuri’a- Buba Galadima

dakikun karantawa

Shugaban R-APC, kuma daya cikin ‘yan kwamitin yakin neman zaben Alhaji Atiku Abubakar, Engr Buba Galadima yace sun kammala dukkanin shirun da suka shirya domin dawo da zaben da aka kwace musu na shugabancin kasa a zaben 2019.

A wata ganawa da Buba Galadima yayi bayan fitowarshi daga kotu koli inda suka shigar da kara akan anyiwa Atiku Abubakar karfa-karfa wajen kwace zaben da Buba Galadima ya kira da zaben rashin adalci.

“Alhamdulillah, mun kammala nazarinmu, na shigar da kara a kotu, wannan kara mun tabbata cewa muna da shaidu na fashi da makami da jami’iyyar APC da mukarrabanta sukayi, kamar su hukumar zabe, ‘yan sanda da Sojoji. Idan dai akwai gaskiya da adalci babu abinda zai hana muyi nasara.”

“Kamar yadda kowa ya sani a  Najeriya dama duk duniya, ba’ataba yin zabe wanda akayi amfani da karfin tuwa ba har a hana jiha baki daya jefa kuri’a. “

“Kasan har ‘yan Boko Haram ‘yan APC suka zama, suna tada Bama-Bamai, suna sa motoci suna  harbe mutane don su samu damar  rubutawa kansu kuri’a. Toh Allah ya kama su, gashi yau rigar me gari ta bata.”

“Zamu kwaci mulkinnan a Kotu, saboda mune muke da kuri’u mafi yawa a zaben da akayi.”

Yace suna da tabbacin cewa kotu zatayi musu adalci indai za’a saka tsoron Allah da kuma yin abinda doka ta tsara a aiwatar.

Daga karshe Engr Buba Galadima yace akwai jihohin da jami’iyyar APC ta lashe amma duk ba’ayi amfani da na’urar Card Reader ba.

 

Karin Labarai

Sabbi daga Blog