Labarai

Mutum 42 sun rasa rayukansu a harin da ‘Yan Bindiga suka kai wasu kauyukan jihar Zamfara

‘Yan bindiga da ake zargi sun kai hari kauyukan Kware, Kurya da Kursasa da wasu makotan kauyukan karamar hukumar Shinkafi dake jihar Zamfara, harin da ya janyo rasa rayuka 42.

‘Yan bindigar sun shigo kauyukan tare da yin harbin mai uwa da wabi.

Shashin Hausa na BBC ya rawaito wata ganawa da wakilanta yayi da Sarkin Shanun Shinkafi, Dakta Sulaiman Shuaibu Shinkafi, ya shaidawa shaidawa BBC cewa, wannan al’amari ba wani sabon al’amari bane.

Dakta Sulaiman ya ce kimanin mutane 42 ne suka rasa rayukansu a lokacin harin da aka gudanar a kauyukan.

Ya koka kan yadda jami’an tsaro suke bada rashin kulawa da irin kashe-kashen da akeyi a yankin.

Daga bangaren Gwamnatin jihar Zamfara, ta hanyar mai magana da yawun gwamnatin, Mallam Ibrahim Dosara, ya bayyanawa BBC cewa mutane 28 ne suka rasa rayukansu a lokacin harin.

Itama rundunar ‘yan sandan Najeriya, shiyyar jihar Zamfara, ta hannun mai magana da yawun rundunar, Mohammed Shehu ya bayyanawa manewa labarai cewa iya mutum 10 ne suka rasa rayukansu a lokacin hare-haren.

Karin Labarai

Masu Alaka

Yanzunan: ‘Yan bindiga sun harbe mutum 66 a Kaduna

Dabo Online

‘Yan bindiga sun hallaka mutane a jihar Jigawa

Dabo Online

Sojoji ne suka fatattaki ‘Yan Sandan da suka kama ni, suka sakeni na tsere – Dan Kidinafa

Dabo Online

Wasu daga Sarakunan gargajiya na da hannu a rikicin arewacin Najeriya – Minista

PDP, NRM sun lashe dukkanin kujerun mulki na jihar Zamfara a karon farko

Dabo Online

‘Yan gudun hijira a Zamfara sun fara komawa gidajensu bayan samun ingantuwar tsaro

Dabo Online
UA-131299779-2