Yanzu yanzu: An samu karin mutum 23 masu dauke da Coronavirus, jumilla 174 a Najeriya

Hukumar dake kula da cututtuka ta Najeriya, NCDC ta sake tabbatar da samun karuwar masu dauke da cutar Covid-19 guda 23 a daren Laraba.

Kamar yadda hukumar ta bayyana a shafinta na yanar gizo gizo da shafin Twitter, tace adadin wadanda aka tabbatar a Najeriya ya zama 174.

“A yau da misalin karfe 08:00 na dare an sake samun masu dauke da cutar ‘Corona Virus’ guda 23. An samu guda 9 a Lagos, 7 a Abuja, 5 a Akwa Ibom 1 a Bauchi da Kaduna.”

Ga jerin adadin da aka tabbatar a kowacce jiha;

• Lagos – 91
• Abuja – 35
• Ogun – 4
• Inugu – 2
• Ekiti – 2
• Oyo – 8
• Edo – 4
• Bauchi – 3
• Osun – 14
• Rivers – 1
• Binuwai – 1
• Kaduna – 4