Gwamnatin Kano nayin duk mai yiwuwa domin a chanza CP Wakili

Duba da irin abubuwan da suka faru a zaben da ya gudana na gwamnoni da ‘yan majalissun jiya a ranar Asabar 9 ga watan Maris 2019, gwamnanatin jihar Kano ta kai kuka domin ganin an chanza kwamishinan yan sanda, CP Muhammd Wakili.

Jaridar Daily Nigerian ta rawaito, wasu majiyoyin sirri sun bayyanawa wakilanta cewa gwamnan jihar Dr Abdullahi Ganduje tare da wasu manyan jami’an gwamnatin jihar suna babban birnin tarayyar Abuja domin rokon shugaban rundunar ‘yan sandan Najeriya, IGP Ibrahim Idris, yayiwa CP Muhammad Wakili chanjin gurin aiki.

“Daga cikin masu goyon bayan chanzi sun hada da, shugaban jami’iyyar APC na kasa, Ahmad Oshiomole, Bola Ahmad Tinubu da wasu daga cikin manyan jiga-jigan gwamnatin tarayya.” -Kamar yadda jaridar ta Daily Nigerian ta rawaito.

Masu Alaƙa  Buhari yayi Allah wadai da dage zabe

A zaben daya gabata dai, kwamishinan yan sandan na jihar Kano, Wakili ya taka rawar gani wajen dakile tada hargitsi tare da yunkurin yin magudi a lotunan zaben.

Lamarin da ya kai kwamishinan da damke mataimakin gwamnan jihar Kano, Dr Nasiru Yusuf Gawuna, kwamishan kananan hukumomi, Murtala Sulen Garo, hadi da shugaban karamar hukumar Nassarawa.

Muhammad Aliyu Dangalan

•Sublime of Fagge's origin. •Apprentice Journalist. •Doctor of Pharmacy student.


Warning: file_put_contents(/var/www/u0619820/data/www/dabofm.com/): failed to open stream: Is a directory in /var/www/u0619820/data/www/dabofm.com/wp-content/plugins/propellerads-official/includes/class-propeller-ads-anti-adblock.php on line 203
%d bloggers like this: