Buba Galadima
Siyasa

Halayyar Buhari ta gaskiya ta bayyana bayan darewarshi shugabancin Najeriya – Buba Galadima

Buba Galadima ya bayyana wannan ne a wata hira da ya yi a Jaridar New Telegraph inda yace da Buhari ya tsaya kan manufofin da aka san shi da su a baya, da Najeriya ta cigaba a mulkinsa. Injiniyan yake cewa Buhari ya samu abin da yake so na mulkin Najeriya bayan da ya hada kai da sauran bangarorin kasar.

Sai dai a cewarasa, bayan Buhari ya samu mulki sai ya fito a mutum. Galadima yace: “Shi Buhari ya san abin da ya kawo shi mulki, ya san irin sadaukarwar da wasunmu su ka yi domin ganin ya zama shugaban kasa, amma ya na samun mulki ya fatattake mu.”

Buba Galadima yake cewa an yi watsi da duk wadanda su ka yi wa Buhari gwagwarmaya har ta kai aka tsare su da sunan sun ci amanar kasa. Galadima ya rike Sakatare na jam’iyyar CPC a 2011.

“Da mun bi tsarin da mu ka shirya a 2002, da yanzu Najeriya ta zama irin su kasar Indonesiya, Maleshiya, Singafo, Indiya da sauran kasashen da su ka cigaba.” Inji babban Jigon adawar kasar.

“Mun yi wa Buhari yakin shekara da shekaru, amma wannan bai sa ya zama shugaban kasa ba sai da ya tsallaka ya hadu da sauran yankunan Najeriya. Nan ya ci zabe, kuma aka gane halinsa.”

A game da zargin PDP da kashe kasar nan da Buhari ya saba, Galadima yace “Mu yarda cewa da gaske ne an kashe kasar nan. Meyasa aka zabe shi? Ba an zabe sa ba ne domin ya kawo mafita?” Galadima ya tike da: “Wannan ba hujja ba ce da za a rika daura laifi a kan gwamnatocin baya.

Abin ya na bani dariya. A cikinsu, wanene bai cikin gwamnatin PDP, har shugaban kasan kansa.”

Masu Alaka

Zaben Gwamna: Shugaba Buhari ya kammala kada kuri’arshi a mazabarshi dake Daura

Dangalan Muhammad Aliyu

Buhari zai bar Najeriya zuwa Landan kafin yanke hukuncin zaben Kano, Bauchi da Sokoto

Dabo Online

An fara zanga-zangar kifar da gwamnatin Buhari, Jami’an tsaro su kawo dauki -Uzodinma

Muhammad Isma’il Makama

Tirkashi!: Wani Bakatsine ya canza sunan sa daga Buhari zuwa Sulaiman

Muhammad Isma’il Makama

Buhari ya fara bada mukamai ga wadanda ya sawa takun-kumi akan cin hanci da rashawa

Dabo Online

Shugaba Buhari yasha jifa a jihar Ogun

Dabo Online
UA-131299779-2