Siyasa

ZABEN KANO: Duk wanda yace anyi kisa a zaben Kano, ya kawo Hujja – Gwamnatin Kano

Gwamnatin jihar Kano karkashin jagorancin Gwamna Dr Abdullahi Ganduje ta musanta zarge-zarge da akeyi mata na samun hargitsi wanda har yayi sanadiyyar asarar rayuka sama da guda 5 a lokacin da aka gudanar da cike zaben Gwamna a jihar ta Kano ranar 23/03/19.

Da yake bayani yau a taron manema labarai, Kwamishinan yada labarai na jihar Kano, Muhammad Garba ya ce babu wani abu mai suna tada hankali a zaben da aka gudanar a jihar Kano.

Gwamnatin ta kalubalanci duk mai cewa anyi kisa ya kawo hujjar da zata tabbatar da haka.

“Babu wanda ya fito yayi zanga-zanga a jihar Kano bayan an bayyana sakamakon zabe a jihar Kano.”

Ranar zaben dai hotuna sukayi ta yawo a shafukan sada zumunta dama wasu manyan Jaridun Najeriya, sun nuna yadda akayi amfani da wasu matasa, majiya karfi tare da mugayen makamai wajen hana mutane yin zabe cikin nutsuwa.

Wasu majiyoyin sun rawaito cewa matasan har  duka suke yiwa wadanda suka zo zaben wata jami’iyya wacce su ‘yan daban ba ita suke yi ba.

An samu bidiyoyi dayawa wadanda mata suke korafin cewa an musu tsirara domin sunzo zabar wata jami’iyya ta daban, duba da yadda akace ‘yan daban sun mamaye akwatinan zaben.

Karin Labarai

Masu Alaka

Sakamakon zaben Gama ya ɓace ne a cibiyar tattara sakamako dake karamar hukuma – Baturen Zabe

Dabo Online

#JusticeForKanoKids: ‘Yan sanda sun sake kubutar da Yaran Kano 2 daga Anambra

Muhammad Isma’il Makama

Da alama jami’an kula da ‘Gidan Zoo’ a Kano sun tsare kudin da aka tara da Babbar Sallah daga Goggon Biri

Dabo Online

Tabbas Ganduje ya karbi cin hanci – EFFC

Dabo Online

Zaben Kano: Gwamna Ganduje ya karbi takardar shaidar lashe zaben Gwamnan Kano daga INEC

Dabo Online

Kotun Koli: Farfaganda baza ta canza abinda Allah ya tsara ba -Abba ya yiwa Ganduje martani

Muhammad Isma’il Makama
UA-131299779-2